Category: चलचित्र खबर

सफल निर्माताहरु पशुपतिमा बाबाको दर्शन गर्दै भेटिए
आज महाशिबरात्री, पशुपतिनाथमा महादेवको सबै भन्दा ठुलो मन्दिर लाखौ श्राद्दालु भक्तजनहरुको मेला लाग्ने दिन । कतै बाबा हरुको गाजा तानेको दृश्य त कतै दर्शलुहरुको लामो लाइन देखिन्थो । बाबाहरु नाङ्गै खरानी धसेर चिलीम तानिरहेका भेटिए त बाबाको प्रसाद भन्दै भक्तहरु पनि एक दुइ सर्को भएनी गाजामा रमाउदै देखिन्थे । भक्तजनहरुको भिड लाग्नु त स्वभाबिक नै हो तर नेपाली फिल्म छेत्रका चर्चित हस्तीहरु समेत पशुपतिनाथ मन्दिर परिसरमा भेटिए ।यो भिडमा सायद, होस्टेल जस्ता सफल फिल्म बनाएका सुनिल रावल, फिल्म वितरक एबम निर्माता गोबिन्द शाही ,चर्चित फिल्म मौन निर्देशक सुरज भुसाल लगायत पनि थिए।

अपिलले मनोजलाई प्रताप बनाउने
केहि समय अघि प्रदर्शनमा आएको चलचित्र ‘मधुमास’ हेरी सके पछी सबै ले सम्झिने नाम हो राघव अर्थात् मनोज आर सी । उनले बोलेको संबाद ”पैसा भागवानत हैन तर भगवान भन्दा कम छैन” निकै चर्चित थियो। उनि यस क्षेत्र मा आएको १२ बर्ष बितिसकेको छ । उनले थुप्रै भिडियो तथा केहि फिल्ममा समेत अभिनय गरिसकेका छन् ।उनले अभिनय गरेको चलचित्र मधुमाश बाहेक बिर गणेशमान र लक्ष्य हुन् ।अब उनले लगातार फिल्ममा मुख्य भूमिका पाउदै छन्।

सायद’, ‘होस्टेल’ जस्ता हिट फिल्म बनाएका सुनिल रावल र ‘कहाँ छौ कहाँ’, ‘संसार आफ्नै’ र ‘पराइ’ फिल्मका निर्माता गोबिन्द शाहीले संयुक्त रुपमा फिल्म बनाउने भएका छन् । उनीहरुले निर्माण गर्ने फिल्म ‘आभास’का लागि मुख्य कलाकारको खोजी भएको छ । इच्छुकहरुबाट आवेदन मागेर अडिसनमार्फत छनोट गरिने भएको छ । फिल्म सम्पादनमा कौशल देखाइसकेका सुरेन्द्र पौडेलले फिल्मको निर्देशन गर्ने भएका छन् ।

एक महिने सांगीतिक टुरका लागि युरोप पुगेकी जानकी मगरले त्यहाँ पनि सोधिन्, ‘जवानी के ले सेलाउँछ ?’ बरफ पानी खाँदा पनि जवानी तातेको भन्दै सेलाउने उपायको खोजी गरेपछि युरोप रहेका नेपाली तन्नेरीका मन पनि तातेको थियो । केही समयअघि मात्रै बजारमा आएको आफ्नो लोकपप एल्बम् ‘मेरो जवानी’को उक्त गीत गाउँदा माहोल पनि गर्माएको थियो ।
यसअघि तीजको गीत ‘कार किनेर ल्याऊ’ गाएर चर्चामा आएकी जानकीलाई यो गीतले थप चर्चित बनाइरहेको छ । विश्व मगर संघले आयोजना गरेको उक्त सांगितीक टुरमा रामजी खाँडसँग गरेको दोहोरी जुहारीमा पनि दर्शकको ताली त्यत्तिकै बटुलेकी थिइन् ।

कामका लागि निर्माता–निर्देशकको दैलो चहार्दै गरेका अक्षय पनि राजेश खन्नाकोमा पुगेका थिए । खन्नालाई भेट्न जाँदा उनी आफ्नो केबिनमा थिए र काम माग्न आएका अरू केटाहरूसँग व्यस्त थिए । अक्षयले तीनचार घण्टासम्म पालो कुरे तर उनको नम्बर आएन । अक्षय त्यहाँबाट निराश फर्किए । यसरी भेट्न नपाई रित्तो हात राजेश खन्नाको अफिसबाट फर्केका अक्षय भविष्यमा उनकै ज्वाइँ बने ।

राष्ट्रिय रापती म्यूजिक अवार्ड २०७० मा गायक विरही कार्की र गायिका देवी घर्ती उत्कृष्ट लोकदोहोरी गायक र गायिकाको अवार्ड चुम्न सफल भए । गायक कार्कीले मायालु हजारबाट अवार्ड चुमेका हुन् भने गायिका देवी घर्तीले हाँस्न सिकायौबाट अवार्ड चुमेका हुन् ।
फागुन ११ गते आइतबार राजधानीको सभागृहमा भएको राष्ट्रिय रापती म्यूजिक अवार्डमा उत्कृष्ट गायक सुगम संगीततर्फ नरेन्द्र प्यासीले म त तिम्रो मान्छेबाट अवार्ड चुमे भने उत्कृष्ट गायिका सुगम संगीततर्फको अवार्ड तिमी छैनौ र बोलको गीतबाट रिमा गुरुङ होडाले चुम्न सफल भइन् ।