Category: चलचित्र खबर

संविधान सभाको निर्वाचनमा दुई ठाउँबाट जितेका पूर्व प्रधानमन्त्री माधव नेपालले आफूलाई कलाकारले जिताएको बताएका छन् । शनिवार राजधानीमा आयोजित एक गीति संग्रहको बिमोचनमा उनले यस्तो बताएका हुन् । उनले भने, ‘मलाई कलाकारले जिताएका हुन्, बन्दना मैनालीले भोजपुरीमा गाएर रौतहटका मतदाताका मन जितिन् । उनको स्वर सुनेर धेरैजना लठ्ठ भए ।’ त्यसैगरी बद्री पंगेनीले पनि गीत गाएर आफ्नो पक्षमा भोट बढाएको उल्लेख गरे ।

लोकगायिका सुनिता दुलाल परोपकारी कर्म गरेकी छिन् । मिर्गाैला रोग पिडित सिन्धुपल्चोक, जलबिरे ४ का २६ वर्षीय युवा सुमन श्रेष्ठको उपचारार्थ सहयोग जुटाएकी छिन् । शुक्रवार राजधानीमा एक कार्यक्रमको आयोजना गरी उनले आफन्त र फ्यानमार्फत जुटाएको २ लाख ४० हजार रुपैयाँ सुमनलाई हस्तान्तराण गरेकी छिन् ।
दशवर्ष अघि मिर्गौला प्रत्यारोपण गरेका सुमनको अहिले दुबै मिर्गौलाले काम गर्न छोडेकोले पुन: प्रत्यारोपण गर्नुपर्ने भएको हो । उनका परिवारको आर्थिक अवस्था कमजोर भएकोले प्रत्यारोपणको लागि आवश्यक खर्च जुटाउन नसकेका कारण सुनिता अघि सरेकी हुन्

भनिरहनुपर्ने कुरो होइन, तर प्रसंगबश भन्नुपर्छ, विल्सनविक्रम राई हाँस्य कलाकार हुन् । उनी स्टेजमा उक्लेपनि, फिल्ममा देखिएपनि हसाउँछन् । उनको मुख्य भूमिका रहेको फिल्म ‘अधकट्टी’मा उनको ‘रुवाउने’ रोल हुने कुरै भएन । तर, शुक्रवार फिल्म ‘अधकट्टी’ शुभमुहूर्त’मा भने उनले दुःख पोखे ।
पछिल्लो समयका ब्यस्त अभिनेता उनले आफूविरुद्ध कसैले बोलेका एकपक्षीय कुरा सञ्चारमाध्याममा आएकोमा गुनासो गरे । ‘धेरै पैसा माग्ने र भाउ खोज्ने’ जस्ता कुरा थाहा पाएको तर त्यस्तो आफूले महशुस नगरेको फिल्मका निर्माता प्रदीप उदयले बताएपछि यस्तो बताएका हुन् ।

नयाँदिल्ली, २२ फागुन (एजेन्सी) । अन्ततः फिल्म ‘गुलाब ग्याङ’ रिलिज हुने भएको छ । बुधबार दिल्लीको माथिल्लो अदालतले यस फिल्मलाई प्रदर्शनमा रोक लगाएको थियो तर निर्माता अनुभव सिन्हाको अनुरोधमा बिहीबार अदालतले माधुरी दीक्षित र जुही चावला अभिनित ‘गुलाब ग्याङ’ लाई प्रदर्शनका लागि खुला गरेको छ । अदालतको सफाई पाएपछि अब ‘गुलाब ग्याङ’ शुक्रबार रिजिल हुने भएको छ ।

लचित्र ‘होस्टेल’ का निर्देशक हेमराज बिसी सुटुक्कै चलचित्र निर्देशन गरिहेका छन् । ‘होस्टेल’ सफल भएपछि चर्चामा आएका बिसीले आफूले चलचित्र बनाइरहेको मिडियालाई बताएका छैनन् । उनले विनाप्रचार ‘जिन्दाबाद’ निर्देशन गरिहेका छन् ।

प्रवासी नेपाली साहित्य समाज वेलायतले अनिस खालिङको जीवन रक्षाको लागि ९ लाख ४ हजार १ सय ८८ रुपैया सहयोग हस्तान्तरण गरेको छ । राजधानीको दरबारमार्गस्थित मधुशाला गजल रेष्टुरेन्टमा बुधबार आयोजित कार्यक्रममा समाजका उपाध्यक्ष तथा नेपाल प्रतिनिधि तथा फिल्म निर्देशक मिलन चाम्सको संयोजनमा चर्चित गायक राजेश पायल राई तथा चर्चित सफल गायक उदय सोताङबाट खालिङका आफन्तलाई रकम हस्तान्तरण गरेको हो । सोही कार्यक्रममा गायक राजेश पायल राईले २५ हजार रुपैंया खालिंगको परिवारलाई राजेशपायल राई फाउन्डेसन मार्फत प्रदान गरे ।

बंगलादेशी फिल्ममा निशा
नायिका निशा अधिकारी दुई बंगलादेशी फिल्मको लागी नायिकाको रुपमा देखिने भएकी छिन् । यो कुरा उनले आफ्नो फेसबुक मार्फत खुलाएकी हुन।फिल्म ‘गुड ईभिनिङ काठमाडौं’ र ‘अण्डर द सेम स्काई’मा उनले खेल्ने पक्क भयेको हो, जसलइ बंगलादेशी निर्देशक तनविन रफिकले निर्देशन गर्ने छन् ।