Category: चलचित्र खबर

लोक गायिका निशा सुनारले छोरी जन्माएकी छन् । केही महिनाअघि अमेरिका पुगेकी निशाले अमेरिकामै छोरीको जन्म दिएकी हुन् । अमेरिका पुगेर केही साताअघि मात्र निशाले म्युजिक भिडियो निर्देशक शंकर बिसीसँग बिहेको गरेको सार्वजनिक गरेकी थिइन् । केही वर्षयता सँगै बस्दै आए पनि उनीहरुले आफ्नो बिहेबारे छिपाउँदै आएका थिए ।

पाकिस्तानी अभिनेत्री सना खानको सडक दुर्घटनामा मृत्यु भएको छ । दुर्घटनामा उनका पति बाबर खान गम्भीर घाइते भएका छन् । समाचारमा बताइएअनुसार बाबरको पनि स्थिति नाजुक छ । पाकिस्तानी समाचार एजेन्सीका अनुसार दुर्घटना गएको शुक्रवारको पाकिस्तानको हैदराबाद शहरबाट करिब ३० किलोमीटर टाडा पर्ने लुनीकोटमा भएको थियो ।

अहिले धेरै युवाको सपना विदेशिने छ । भिसा लाग्नै अबेर, लागेपछि विदेश उड्न बेर गर्दैनन् । तर, इन्दिरा जोशीलाई हातमा भिसा भएर पनि जाउँ कि नजाउँ भएको छ । उनले त्यो दोधार गीतमार्फत प्रस्तुत गरेकी छिन् । उनको नयाँ गीत ‘जाउ“ कि नजाउ“’ को म्युजिक भिडियो सार्वजनिक गरिएको छ । अहिले म्युजिक भिडियो निर्देशकका रुपमा निकै चर्चा पाएका नितिन चन्दको निर्देशनमा तयार गरिएको यस म्यूजिकमा कुटुम्बको बाद्य यन्त्रहरुको प्रयोग गरिएको छ ।

चर्चित गायक नरेन्द्र प्यासीले एकल संगीत र गायनमा ‘वर्णन’ बजारमा ल्याएका छन् । केही समयका लागि अमेरिका जाने तयारी गरिरहेका उनले अघिल्लो दिन उक्त एल्बम् सार्वजनिक गरेका हुन् । एल्बम्को आइतवार राजधानीमा बिमोचन गरिएको थियो ।

म्युजिक भिडियो निर्देशक तथा संगीतकर्मी गम्बु शेर्पाले समाज सेवामा पनि हात बढाएका छन् । उनीलगायत केहि सहयोगी हातहरुले स्थापना गरेको संस्था एफ सी ई (खान लुगा अनि शिक्षा)ले ५ जना असहाय बालबालिकाको निम्ति एस एल सी सम्मको लागि खान लगाउन अनि पढाउन छात्रबृत्ति प्रदान गर्ने भएको छ । राजधानीमा आयोजित एक पत्रकार भेटघाट कार्यक्रमबीच उक्त संस्थाको प्रतिनिधिहरुले उक्त छात्रबृत्ति प्रदान गर्ने घोÈणा गरेका हुन् ।

काठमाडौं, फागुन २६ । नेपाली फिल्म पूर्ण रुपमा डिजिटलाइज्ड भइसकेको छ । तर, डिजिटल प्रविधिले दिएका सुविधाको उपभोग गर्न नसकिएको भन्दै नेपाल चलचित्र निर्देशक समाजले हलिउडबाट प्रशिक्षक मगाएर कार्यशाला गर्ने भएको छ । नेपाली प्राविधिकको क्षमता अभिवृद्धि गर्नका लागि नेपाल टुरिजम बोर्ड र चलचित्र विकास बोर्डको सहयोगमा उक्त कार्यशाला गर्न लागिएको अध्यक्ष दिनेश डिसीले बताए ।