बिएस बलामीको निर्देशनमा बन्ने भयो “नेपालीको शान”

मनोरंजनसंसार डटकम
नेपाली चलचित्र क्षत्रमा निकै नै तिब्र निर्देशकको रुपमा परिचित निर्देशक बिएस बलामीको नया चलचित्र “नेपालीको शान” राजधानीमा सोमबार एक कार्यक्रम बीच घोषणा गरिएको छ | चलचित्रको ५० प्रतिशत छायांकन पर्यटकिय शहर थाईल्याण्डमा गरिने भएको छ | चलचित्रमा जीवन लुईंटेल , सिमा केसी ,प्रज्वल गिरी लगाएतका कलाकारहरुको भूमिका रहने छ | निशा शाहको कथा रहेको चलचित्रमा सञ्जु थोकर लामाको छायांकन रहने छ भने टंक बुढाथोकी र सम्राट थापाले आफ्नो सुमधुर संगीत भर्नेछन् |
अर्को हप्ताबाट शुटिंग फ्लोरमा जाने भनिएको राष्ट्रियताको कथा बोल्ने “नेपालीको शान” लाई यहि बर्षको माघे सक्रान्तिको छेकोमा अर्थात पौष २९ मा रिलिज गर्ने घोषणा निर्माण टिमले गरेको छ ।
फिल्ममा राजेन्द्र गौतम, ज्ञानु श्रेष्ठ, प्रकाश खत्री, गेहेन्द्र बज्राचार्य लगायतको लगानी रहनेछ भने थाइल्याण्डबाट विशेष सहयोगीमा राजु बलामीलाई राखिएको छ भने मिडिया संयोजनको जिम्मेवारी सञ्चारकर्मी कुमार आचार्यलाई दिईएको छ ।