विष्ण्ँु शाही, काठमाण्डौं, चलचित्र हेर्ने दर्शक नघटेपछी हल सञ्चालकलाई दर्शक व्यवस्थापन गर्न आज पनी अघिल्लो शनिवार र नया“ वर्È झै हम्मे हम्मे परेको यस चलचित्रका वितरक गोविन्द शाहीले जानकारी दिएका छन ।
चकलेटी अभिनेता आर्यन सिग्देल यथार्थमा प्रेमलाई विवाहमा परिणत गरिसके । केही समय पहिल्यै जुरेको लगन छोप्दै प्रेमिका सपना भण्डारीसँग उनले शनिवार झ्याइँ पारेका हुन् । तर, उनको पर्दामा भने प्रेम देखिने छ । पर्दामा प्रेम (फिल्म नोभम्बर रेन’ देखिने लगन सरेर बैशाख १२ गते पुगेपछि आर्यनको यथार्थमा विहे भएपछि पर्दामा प्रेम देख्नुपर्ने भएको दर्शकलाई । युवती फ्यान फ्लोअर उच्च भएका आर्यनले सपनालाई यथार्थकी संगीनी बनाउँदा आर्यनलाई सपनामा आफ्नो राजकुमार देख्ने कति युवतीका सपना धुलिसात भए होलान् ! तर, यसको असर उनको फिल्ममा कत्तिको देखिएला ?
बैशाखमै ‘रेड मनसुन’
पढेर निर्देशक बनेका ईलम दिक्षित निर्देशित फिल्म ‘रेड मनसुन’ आगामी बैशाख २६मा पर्दशनमा आउदैछ । शुक्रबार आयोजित पत्रकार भेटघाट कार्यक्रममा उक्त जानकारी गराइएको हो। बिगतमा झैँ फिल्मको कुनै पनि प्रोमो र गीत नदेखाइ फिल्मका निर्माणका केही दृश्यहरु देखाउदै फरक शैली बाट कार्यक्रम गरिएको थियो । कार्यक्रममा निर्देशक दिक्षितले आफ्नो फिल्म पाटन क्षेत्रको मछिन्द्रनाथको ओरिपरि केन्दि्त भएपनि समग्र रुपमा विश्वव्यापी समाजको व्यथा बोल्ने दाबी बताए ।
राजधानीको सुन्धारास्थित सिभिल टेड्र सेन्टर (सीटीसी मल) मा पाँचतारे सुविधा भएको सिने-डी-सेफ फिल्म हल सञ्चालनमा आएको छ । हलको बरिष्ठ कलाकारद्धय मदनकृष्ण श्रेष्ठ र हरिवंश आचार्य तथा अभिनेत्री निशा अधिकारीले उद्घाटन गरे । सिने-डी-सेफ नाम झैँ फिल्म र खानाको मज्जा एकै चोटी दिनु उद्देस्य रहेको छ ।
विकास आचार्य निर्देशित फिल्म ‘नाइँ नभन्नू ल–२’लाई दर्शकले ‘नाइँ’ भनेनन् । अघिल्लो हप्ता रिलिज भएको फिल्मले धेरै पछि नेपाली फिल्म लाग्ने थिएटरमा भीड जम्मा गरेको हो । पहिलो हप्तामै उत्रिनुपर्ने नेपाली फिल्मको नियतिलाई ‘ब्रेक’ गर्दै फिल्मले दोस्रो हप्तामा इन्जिन चलाएको छ ।
फिल्म रिलिजअघि बालगायक र अभिनेताअभिनेत्रीका कारण चर्चा कमाएको फिल्म दर्शकले रुचाएका छन् । अनुभव रेग्मी र सुज्ञानी भट्टराईको मुख्य भूमिका रहेको यस फिल्ममा देखासिकी गर्ने बालमनोविज्ञान प्रस्तुत गरिएको छ ।
निर्माता तथा निर्देशक शम्भु प्रधान १२ वर्षको अन्तरालपछि चलचित्र निर्देशनमा फर्केका छन् । पछिल्लो समय ‘नेपाल प्यारो छ’ निर्माण÷निर्देशन गरेका प्रधानले चलचित्र ‘रंग बैजनी’ निर्माण गर्ने घोषणा गरेका छन् । चलचित्र निर्माणको घोषणासँगै निर्देशक प्रधानले केही कलाकार तथा प्राविधिक पनि डेब्यु गराउँदैछन् । चलचित्र ‘रंग बैजनी’मार्फत मोडल दिक्पाल कार्की अभिनेतामा डेब्यु गर्दैछन् । पाँच वर्षयता मोडलिङ क्षेत्रमा क्रियाशील दिक्पालसँगै ‘रंग बैजनी’ मार्फत निर्देशक प्रधानले छायांकार रुपमा आफ्नै छोरा ससांक प्रधानलाई डेब्यु गराउँदैछन् भने दीप प्रधानलाई संगीतकार बनाउँदैछन् । दीप बलिउडमा बरिष्ठ छायांकार विनोद प्रधानका छोरा हुन् ।
वर्ष २०७० ले नेपाली चलचित्र क्षेत्रमा थुप्रै कलाकार जन्मायो । चलचित्रले व्यवसायिक रूपमा सफलता हासिल गर्न नसके पनि संख्यात्मक वृद्धिले नवकलाकारलाई राम्रै फाइदा भयो । ०७० सालमा यस्ता नयाँ अनुहारको आगमन भयो, जसले उज्ज्वल भविष्यको संकेतसमेत दिएका छन् । तिनै प्रतिभामध्ये हुन्, नरेन खड्का । ०७० को शुभारम्भसँगै नरेनले चलचित्र ‘हमेशा’ मार्फत आफूलाई नेपाली रजतपटमा डेब्यु गराएका हुन् । सो अवसर अभिनेत्री तथा निर्मात्री रेखा थापाले दिएका हुन् । रेखा फिल्मस्को ब्यानरमार्फत डेब्यु गरेका नरेनले हालै ‘प्रवास’ नामक चलचित्रमा अभिनय गरेका छन् ।
नेपाली चलचित्र ‘मिस नेपाल’ निर्माण सुरु भएदेखि नै विवादमा मुछिन्दै आएको छ । अभिनेत्री शुभच्छा थापा निर्मित यस चलचित्रप्रति सौन्दर्य प्रतियोगिता ‘मिस नेपाल’ को आयोजक संस्था हिडेन ट्रेजरले आपति जनाउँदै आएको हो । तर, शुभेच्छाले उल्टै चुनौती दिँदै आएकी छन् । बुधबार चलचित्र ‘मिस नेपाल’बारे जानकारी गराउन आयोजित पत्रकार सम्मेलनमा शुभेच्छाले भनिन्, ‘हिडेन ट्रेजरलाई तर्साउनकै लागि माछाले बक्षस्थल छोपेर फोटोसुट गरेकी हुँ ।’ केही समयअघि उनेल आफ्नो बक्षस्थल माछाले छोपेर फोटोसुट गराएपछि निर्मात्रीसमेत रहेकी शुभेच्छा थापा चर्चासँगै आलोचनाको पात्र बनेकी थिइन् ।
‘नाइँ नभन्नु ल २’ पाच दिनमा झन्डै दुई करोड व्यापार
नेपाली फिल्म उद्द्योगमा २०७० सालमा एकाद फिल्म बाहेक अन्य खासै सफल बन्न नसकेता पनि २०७१ सालको सुरुवात भने उत्साहजनक देखिएको छ । गत शुक्रबारबाट देशभर प्रदर्शनमा आएको फिल्म ‘नाइँ नभन्नु ल २’ले देशै भर अहिले सम्मकै सबै रेकर्ड तोड्न सफल भएको छ ।
रिलिज भएको दिनदेखि नै सबै स्थानमा हाउसफुल रही आक्रमक व्यापार गरेको फिल्मले देशकै सर्वाधिक सिंगल डे कलेक्सन गर्न सफल त भयो नै पाचौ दिन सम्म पनि हाउसफुल रहदै सर्बाधिक कमाई गर्ने फिल्म बन्न सफल भएको छ । बिकाश आचार्य निर्देशित फिल्म ले छड्के ,लुट जस्ता फिल्म को फस्ट डे कलेक्सनलाइ तोड्दै ५ दिनमै झन्डै पौने दुई करोड कमाएको हो ।
प्रदर्शन भइरहेको नेपाली चलचित्र ‘मनले मनलाई छुन्छ’ का निर्माता तथा अभिनेता विरेन श्रेष्ठ मंगलबार निकै खुसी मुडमा भेटिए । यसको कारण थियो, आफ्नो चलचित्र हेरेपछि दर्शक रुनु । विश्वज्योति सिनेमा हलमा भेटिएका विरेन भन्दै थिए, ‘नामजस्तै चलचित्रले दर्शकको मन छुन सफल भएको छ । कतिपय दर्शक त हलबाट आँसु पुछ्दै निस्केको पाइयो ।’
