दुई प्रतीक्षित फिल्मको रिलिज मिति तय भएको छ । चेलिमाइति फिल्म्सको पहिलो प्रस्तुति बनेको फिल्म ‘नागबेली’ आगामी असार २७ मा प्रदर्शनमा आउने पक्का भएको छ । रिफल इन्टरटेन्मेन्टको प्रस्तुतीतमा निर्मित ‘मुखौटा’ जेठ १६ गते रिलिज हुने भएको छ ।
नेपाली चलचित्र ‘राहदानी’ को प्रचार सामग्री तथा अडियो बिहीकार एक कार्यक्रमबीच राजधानीमा सार्वजनिक गरिएको छ । चलचित्रको गीत तथा पोस्टर कवि तथा गीतकार दिनेश अधिकारीले सार्वजनिक गरेका थिए । बैदेशिक रोजगारीमा देखिएका समस्यामा आधारित चलचित्र ‘राहदानी’ को लेखन तथा निर्देशन पत्रकार डब्बु क्षत्रीले गरेका हुन् । चलचित्रमा बैदेशिक रोजगारका विकराल समस्यालाई उठाइएको निर्देशक क्षत्रीले बताए ।
हलिउडका संगीतकार कोवेल आफ्नो लोकप्रिय रियालिटी सो ‘द एक्स फ्याक्टर’ मा गायिका रिहानालाई चौथोे निर्णायकका रूपमा राख्न चाहेका छन् । त्यसका लागि उनले रिहानासँग कुराकानी गरिरहेका छन् ।
समाचारमा जनाइएअनुसार ५४ वर्षीय संगीतकार कोवेलले आफूलाई आकर्षक लाग्ने युवतीको सूची तयार गरेका छन् । उनी तीमध्येबाट आफ्नो सोमा निर्णायक बनाउन चाहन्छन् । सो सूचीमा उनले रिहानालाई पनि राखेका छन् । कोवेलको मन पर्नेमध्ये रिहाना पनि पर्छिन् ।
लोक गायिका मञ्जु महतको स्वास्थ्यस्थिति चिन्ताजनक भएपछि सम्पूर्ण लोक दोहोरी कलाकारले काम रोकेका छन् । बिहीबार गीत रेकर्डिङमा जाँदै गर्दा स्कुटर दुर्घटनामा परेकी पछिल्लो समयकी चर्चित लोक गायिका मञ्जुको हाल टोखास्थित ग्रान्डी इन्टरनेशनल अस्पतालको कोमामा उपचार भइरहेको छ । उनको स्वास्थ्यलाभको कामना गर्दै सयभन्दा बढी लोक कलाकार ग्रान्डी अस्पताल पुगेका छन् । गीतकार शिव हमाललका अनुसार शुक्रबार सम्पूर्ण लोक कलाकारले गीत रेकर्डिङ तथा सुटिङ रोकेका छन् ।
बसपार्कमा भएको खुला लोकदोहोरी प्रतियोगितामा न्यू दोभानका डीबी गुरुङ उत्कृष्ट कलाकार बन्न सफल भए भने तिर्सना दोहोरी साँझ पहिलो बन्न सफल भयो । पश्चिम नेपाल दोहोरी साँझको आयोजनामा भएको पश्चिम नेपाल खुला लोकदोहोरी प्रतियोगितामा ८ दोहोरी साँझको प्रतिस्पर्धा भएको थियो । ८ वटा दोहोरी साँझको प्रतिस्पर्धामा तिर्सना प्रथम बन्न सफल भयो भने न्यू दोभान ए दोस्रो र न्यू दोभान बी तेस्रो बन्न सफल भए ।
बलिउड धेरै नेपाली कलाकारको सपना हो । यसका लागि धेरैले प्रयास गर्छन् । अफर नै आयो भने त भाग्यको कुरा भइगयो । अभिनेता विल्सनविक्रम राई बलिउड भित्रिने दैलोमै पुगेर फर्केका छन् । अर्थात्, उनले बलिउडको दैलो मानिने भारतीय टेलिफिल्ममा काम गर्ने अवसर पाएर पनि लत्याएका छन् । चर्चित भारतीय निर्देशक आशुतोष गोवारिकले निर्देशन गर्ने टेलिफिल्ममा उनलाई अफर गरिएको थियो ।
बलिउड अभिनेत्री दीपिका पादुकोणले मुम्बईमा ५० करोड रुपैयाँको घर खरिद गरेको समाचारले अहिले बलिउढड तताएको छ तर दीपिकाले त्यो घर आफ्नो पैसाले खरिद गरेकी होइनन् । यो भ्रममा नपर्नु होला कि, दीपिकाले खरिद गरेको भनिएको घर उनका पूर्व ब्वायफ्रेन्ड सिद्धार्थ माल्याले उपहार दिएका हुन् । अहिले बलिउडमा यो कुरा पनि चर्चामा छ । केही बलिउडकर्मीले भनिरहेका छन् कि, ऐश्वर्याले घर खरिद गरेर सिंगार पटार गरिरहेका बेलादीपिकाले उक्त घर खरिदेकी हुन् । तर यसैबेला त्यो घर दीपिकाले पूर्वप्रेमीबाट पाएको उपहहार भएको रहस्य खुलेको छ ।
पाकिस्तानी फिल्मी अभिनेत्री मीरा र उनका पति क्याप्टेन नाविद सहजादलाई अश्लील भिडियो खिचेको अभियोगमा पक्राउ गरिएको छ । उनीहरूलाई त्यहँ“को अदालतले पक्राउ आदेश जारी गरेपछि पक्राउ गरिएको स्थानीय सञ्चारमाध्यमले जनाएको छ । पाकिस्तानी अदालतले सोमबार प्रहरीमार्फत पक्राउ आदेश दिएको हो । साथै, अतिरिक्त जिल्ला न्यायाधीश सरदार भाट्टीको इजलासले भिडियो खिचेको घटनालाई ‘पाप कर्म’ भएको निष्कर्È निकालेको पनि स्थानीय सञ्चारमाध्यमले जनाएका छन् । सो भिडियोका विÈयमा अप्रिल २ मै अदालतमा मुद्दा दायर भएको थियो ।
‘नोभेम्बर रेन’ रिलिज अघि नै संगीत फ्यान क्रेज बढ्दो
नायक आर्यन सिग्देल अनि नम्रता श्रेष्ठको जोडीलाई फिल्म ‘ मेरो एउटा साथि छ’ पछि फेरी दोहोराईएको फिल्म ‘नोभेम्बर रेन’ निकै आशा गरिएको फिल्ममा पर्दछ। यश अघि ‘आई एम सरी’ निर्देशन गरेका दिनेश राउतले निर्देशन गरेको उक्त फिल्म हाल चर्चाको सिखरमा छ। पहिले चैत्र १४ मा चल्ने भंनिएको फिल्म अब बैशाख १२ मा चल्दै छ। नेपाली सिने बजारमा फिल्म ‘नोभेम्बर रेन’ को मात्र चर्चा छैन उक्त फिल्ममा समाबेस गित संगीत पनि उतिकै चर्चित छन्। फिल्मको ‘कस्तो मिठो’ अनि ‘पलभरमै खुशी’ बोलका दुई गित हाल चर्चाको सिखरमा छ ।
निर्देशक राउत आफैले लेखेको शब्द अनि तारा प्रकाश लिम्बुको संगीतमा फिल्मका गित तयार भएको हो । उदयमान गायक युभराज चौलागाईं, रजिना रिमाल अनि मेलिना राईले गायको गीतहरु निकै कर्णप्रिय छन ।
चलचित्र निर्माण भइसकेपछि प्रदर्शन गर्नुपूर्व चलचित्र जाँच पास शाखा सेन्सर बोर्डले सेन्सर गर्ने कानुनी प्रावधान छ । सो प्रावधान लागू हुँदै पनि आएको छ तर निर्माता तथा अभिनेता नवल खड्काले भने आफ्नो चलचित्र सेन्सर नगरी रिलिज गर्ने भएका छन् । उनले चलचित्र ‘भीमदत्त’ सेन्सर नगरी प्रदर्शन गर्ने बताए । यो चलचित्रलाई सेन्सर बोर्डले १२ दृश्य तथा संवाद ‘हाइड’ गर्ने सर्तमा ‘पिजी’ सर्टिफिकेट दिएको छ तर नवलले सेन्सर बोर्डले दिएको आदेश अवज्ञा गर्ने बताए । चलचित्र ‘भामदत्त’ को हङकङमा च्यारिटी गरेर यसै साता फर्केका नवलले भने, ‘सेन्सर बोर्डले हाइड गर्नु भनेको दृश्य हाइड नगरी चलचित्र प्रदर्शन गर्ने सोचमा छु । यो बायाग्राफि चलचित्र हो । त्यसैले सेन्सरले कैंची लगाउनु भनेको दृश्य हटाए चलचित्रको मर्म नै मर्छ । यदि जनताले सेन्सर गर भन्यो भने मात्र ती दृश्य हटाउने छु ।’ ‘भीमदत्त’ सुदुरपश्चिम डडेलधुराका किसान नेता भीमदत्त पन्तको जीवनीमा आधारित चलचित्र हो ।
