हमालले गरे अमेरिकामा वाईनसँग मस्ती

मनोरंजनससार डटकम

महानायक राजेश हमाल यतिबेला अमेरिकामा छन् । वर्ल्ड फिल्म फेस्टिभलका लागि भनेर अमेरिका पुगेका हमालले त्यहाँ रहेका आफ्ना साथी सर्लकसँगको रमाईलो पलहरु सेयर गरेका छन् । हमालले वाईनको चुस्कीसँगै रमाईलो गरेका तश्विरहरु आफ्नो फेसबुकमा सेयर गरेका हुन् ।

हमालले सेयर गरेका तश्विरहरुमा उनका हजारौं फ्यानहरुले लाईक गरेका छन् भने ‘ह्याभ फन’ अनि ‘ईन्जोई योरसेल्फ’ का कमेन्टहरु समेत बर्षाएका छन् । अमेरिकाको क्यालिफिर्निया राज्यको नापा भ्याली सिटीमा रहेको वाईन उत्पादन क्षेत्रमा पुगेका हमालले बिभिन्न वाईनको स्वाद लिएको तस्विरमा देख्न सकिन्छ ।

हमाल जुन कार्यक्रमका लागि अमेरिका पुगेका थिए सो कार्यक्रम भने नभएको खबर आएको छ । भारतिय मूलका नागरिकको आयोजनामा हुने भनिएको वर्ल्ड फिल्म फेस्टिभलमा हमाललाई लाईफटाईम अचिभमेन्ट अवार्डले सम्मान गर्ने कार्यक्रम तय भएको थियो । कार्यक्रम नभएपछी हमाल नेपाली समुदायले आयोजना गरेका बिभिन्न कार्यक्रममा सहभागी भएको खबर प्राप्त भएको छ ।