नेपाली चलचित्र ‘निशानी’ को भारतको गुहाटीस्थित हाम्लुङमा च्यारिटी सो गरिएको छ । वीर गोर्खालीको गाथा बोकेको यस चलचित्रलाई स्थानीय दर्शकले अत्यधिक रुचाएको निर्माणपक्षले जनाएको छ । चलचित्र च्यारिटीका लागि गुहाटी प्रस्तुतकर्ता तथा कलाकार प्रेम सुब्बाले त्यहाँबाट फर्केपछि भने, ‘चलचित्र स्थानीयले अत्यधिक रुचाए । निशानी हेरेर उनीहरू भावुक भएका थिए ।’
लोकगायिका निशा सुनारले नृत्यनिर्देशक शंकर विसीसँग विवाह गरेको केही दिनअघि सार्वजनिक भएको थियो । धेरै मिडियामा शंकरसँग उनको तेस्रो विवाह भएको आएको थियो । आफूले यसअघि विहे नै नगरेको दाबी गर्दै अमेरिकाबाट निशाले भनिन्, ‘मेरा दुई श्रीमान् खोई ?’ मनोरञ्जनसंसारको सम्पर्कमा आएकी उनले मिडियाले चरित्र हत्या गरेको भन्दै ‘तेस्रो विवाह भएको’ भनिएकोमा आपत्ती जनाएकी हुन् ।
अभिनेत्री रेजिना उप्रेती बैवाहिक बन्धनमा बाँधिएकी छन् । रेजिनाले लण्डन बस्दै आएका सुरज पोखरेलसँग शनिबार लगन गाँठो कसेकी हुन् । रेजिना र सुरजले शनिबार राजधानीको रविभवनस्थित मेघा बेङ्क्वेटमा भव्य भोज दिए, जहाँ रजतपटका अधिकांश हस्ती थिए । रेजिनाको विवाह भोजमा नेपाली चलचित्र क्षेत्रका अधिकांश कलाकार, प्राविधिक र पत्रकारलाई निम्तो दिइएको थियो । निम्तो पाएका सबै भोजमा सामेल थिए ।
बक्स अफिस त्रैमासिक पत्रिकाले आयोजना गरेको ‘फिल्म प्रमोसन कप फुटबल’ प्रतियोगिता अन्तर्गत शनीवार (फागुन १०) पेप्सीकोला टाउन प्लानिङ् फुटबल मैदानमा सात खेल सम्पन्न भएका छन्। नक आउट चरण्ँमा सम्पन्न गरिएका खेलहरुमा शनीवार ‘वल्र्ड कप इन नेपाल’, ‘तोरी लाहुरे’, ‘नाइ नभन्नु ल–२’, ‘जिगोलो’ र ‘सकिन भुल्न तिमीलाई’ले विजयी सुरुवात गरेका छन् ।
बलिउडकी सेक्स सिम्बल अभिनेत्री मल्लिका शेरावत आफूबारे आएको समाचारप्रति आक्रोशित भएकी छन् । साता दिनअघि ‘मल्लिका हलिउड फिल्ममा काम गर्दैछिन्’ भन्ने समाचार आएको थियो तर उनको लापरबाहीका कारण सो फिल्मका निकालिएकी छन् । तर, मिडियामा उनी निकालिएको समााचार आउन थालेपछि आक्रोश पाख्दै मल्लिकाले भनिन्, ‘के मिडियाले झुठ बोल्न पाउँछ ?’ see more
डान्स रियालिटी सो ‘डान्स इन्डिया डान्स’ डिआइडी’ को चौथो संस्करण विजेता श्याम यादव बनेका छन् । जी टीभीबाट प्रसारित डिआइडी सिजन–४ को शनिबार भएको अन्तिम फाइनलमा श्याम विजेता बनेका हुन् ।
फिल्म ‘झोले’ले शुक्रवार र शनिवार राम्रो ब्यापार गरेको छ । धेरै फिल्म हलमा दर्शकको घुइँचो देखिएपछि ओरालो लागेको नेपाली फिल्म बजारमा फेरि आशा पलाएको छ । फिल्मले अपेक्षा गरेअनुरुपकै ब्यापार गरेपछि निर्देशक दीपेन्द्र के खनालले ‘मेहनतको फल प्राप्त हुने संकेत देखिएको’ बताएका छन् । आज बिहान गोपीकृष्ण हलमा फिल्मको टिकटका लागि जम्मा भएको बाक्लो भीडलाई कन्ट्रोल गर्न प्रहरीलाई पनि हम्मे परेको थियो ।
सुन्दरी, समाजसेवा, सहयोग र सामाजिक सदभावको अनुपम संयोजन शुक्रबार बेलुकी राजधानीमा देखियो । मिस मंगोल नेपाल २०१३ का विजेता मुस्कान लिम्बु, फस्ट रनरअप वाणी राई र सेकेन्ड रनरअप सोनु श्रेष्ठले सुरु गरेको सामाजिक अभियान पोजेटिभ स्टेप समापन समारोहमा प्रस्तुत गरिएको मौलिक फेसन सो, सांगीतिक प्रस्तुती अनि समाजसेवी दाताको उत्साहपुर्ण सहभागीताले अभियान समापनलाई रोमाञ्चक बनाएको हो ।
सुवास नेम्वाङ फेरि संविधान सभाअध्यक्ष चुनिएका छन् । उनकै हुलिया मिल्ने एकजना संगीतकार छन्, बुलु मुकारुङ । बुलु मुकारुङको आफ्नै परिचय छ, संगीतकारका रुपमा । तर, आफ्नो हुलिया अरु विभिन्न चर्चित अनुहारसँग मिल्दा खुब हैरानी खेपेका छन् । कतिले सुवास नेम्वाङ ठानेर नमस्कार गर्ने छन् भने कतिले ब्रुस्ली भनेर जिस्क्याका छन् । कतिले आफ्नै साथीजस्तो ठानेर मायाले पिटेका छन् भने गजल समीक्षक ठानेर हैरान पार्ने पनि छन् । हुलिया मिल्दाका अनुभव उनले यसप्रकार छन्
राष्ट्रिय रापती म्यूजिक अवार्डको मनोनयनमा परेका स्रष्टाहरुलाई उत्कृष्ट पाँचको प्रमाणपत्र प्रदान गरिएको छ । आगामी फागुन ११ गते राजधानीको सभागृहमा हुन लागेको राष्ट्रिय रापती म्यूजिक अवार्ड २०७० मा उत्कृष्ट पाँचको मनोनयनमा परेका कलाकार एवं स्रष्टालाई उक्त प्रमाण पत्र बितरण गरिएको हो ।
