डिजाइनर बन्न नसकेका तेन्जिङ शेर्पा बने फिल्मको हिरो
कुनै समय उनलाई फेसन डिजाइनर बन्ने झोक चलेको थियो तर त्यतिखेरै गार्मेन्ट उद्योगमा ह्रास आएपछि एकाएक मन परिवर्तन गरे । फेसन डिजाइनर बन्न नसके पनि सफल इभेन्ट मेनेजर बनेका छन् तेन्जिङ फुर्वा शेर्पा । सन् २००१ देखि २०१४ सम्ममा आइपुग्दा तेन्जिङले थुप्रै परिचय बनाएका छन् । तीमध्ये उनलाई चिनिने परिचय हो, इभेन्ट मेजेनर । हेमा मानन्धरसँग भेट भएपछि ‘नेप्लिज फेसन होम’ स्थापना गरेर इभेन्ट मनेजमेन्टमा पाइला चालेका तेन्जिङ नेपाली चलचित्रमा ‘हिरो’ समेत भएका छन् । चलचित्रमा अभिनयपछि ‘हिरो’को परिचय त बनाए नै उनी शेर्पा समुदायको ‘प्रथम अभिनेता’ समेत ‘भएका छन् । नेपाली चलचित्र ‘राहदानी’ मा अभिनयपछि ‘हिरो’ भएका उनले भने, ‘शेर्पा समुदायमा अहिलेसम्म कोही हिरो छैनन्जस्तो लाग्छ । त्यसैले सायद मै हुँ पहिलो शेर्पा समुदायको हिरो ।’