पहिलो पटक नै फरक हिसाबमा दर्शक श्रोता माझ आउने तयारी गर्दैछन् गायक तुल साम्सोहाङ राई

मनोरंजनसंसार डटकम
नेपाली गीत संगीतमा अहिले भईरहेको गतिशील परिवर्तनका कारण दर्शक श्रोताहरुले पनि आफुले चाहेको गीत संगीत हेर्न र सुन्न सक्नुहुन्छ | पहिलेको तुलनामा अहिले नेपाली गीत संगीतको धेरै जसो कुरामा नया र नौलो पन देखिन थालेको छ | नया आवाज र नया सोच बोकेर आउने कलाकारहरुको पनि अब यस क्षत्रमा कमि रहेको छैन | देशका मात्रै हैन अहिले बिदेशी भूमिमा रहेका हाम्रा नेपाली युवा पुस्ता पनि यस क्षत्रमा निकै अग्रसर भएर लागिपरेको हामी देख्न सक्दछौ | यस्तै एक गायक हुन् तुल साम्सोहाङ राई | उनि हाल अमेरिका बसोबास गर्दछन् तर उनको मन मुटु भने नेपालमा रहेको छ | बिदेशी भूमिमा रगत पसिना बगाएर काम गर्नु पर्दा समेत उनि नेपाली कला संस्कृतिलाई बचाउने काम पनि खुबै फुर्तीका साथ गरिरहेका छन् | उनले त्यहाँ नियमित जसो स्टेज प्रोग्राममा आफ्नो प्रस्तुति दिइरहेका हुन्छन | नेपाली तथा बिदेशी दर्शकहरुलाई आफ्नो स्वरको जादुले मनोरंजन प्रदान गर्नमा उनि निकै माहिर रहेका छन् | बिगत लामो समय देखिको सांगीतिक यात्रालाई अब उनले आफ्नो तरिकाले अगाडी बढाउने तरखर गर्दैछन् |

यसै बिचमा उनले आफ्नो नया तथा पहिलो एल्बम दर्शक श्रोताहरुको माझमा लिएर आउने तयारी गर्दैछन् | अहिले उनि आफ्नो एल्बमको गीतको रेकर्डिङ्गमा निकै ब्यस्त रहेका छन् | भर्खरै मात्र उनले आफ्नो “जुन मुस्काई रहेछ ” बोलको नया गीतको रेकर्डिङ्ग सकेका छन् | नबिन प्राचिनको शब्द र गणेश चाङ्गको संगीत तथा कम्पोजिसनमा तयार भएका यस गीतमा गायक तुल साम्सोहाङ राईले आफ्नो सुमधुर स्वर भरेका छन् | गीतलाई अरेन्ज गर्ने काम भने सुजिल कर्मचार्यले गरेका छन् | गीतलाई अमेरिका स्थित स्टुडियो ७ मा डीबी तामाङ्गले रेकर्डिङ्ग गरेका हुन् |

लामो समय देखिको विदेश बसाईमा आफुले धेरै कुराको महसुस गरेको र भोगेको पनि कुरा उनले उल्लेख गरेका छन् | सानै देखिको गीत संगीत प्रतिको आफ्नो लगाव र इच्छालाई उनले अहिले आएर सहि रुप दिने क्रममा छन् | नेपाली गीत संगीतमै आफुले लामो समय देखि समय खर्चिदै आएको हुनाले दर्शक श्रोताहरुको टेस्टलाई आफुले निकै नै राम्रो संग बुझेको कुरा उनि बताउछन् | त्यहि कुराहरुलाई मध्य नजर गरेर नै आफुले धेरै कुरामा ध्यान दिएर अबको आफ्नो प्रस्तुति केहि पृथक बनाएको उनको भनाई रहेको छ | युवा पुस्तालाई मात्र नभएर सबै बर्गलाई लक्षित गरेर आफुले आफ्नो गीतहरु तयार गरेको उनि बताउछन् | आफ्नो गीत संगीतले दर्शक श्रोताहरुको मन खुशी बनाउने र सबैलाई मनोरंजन प्रदान गर्नेमा उनि निकै आशावादी देखिनछन् | आफुले गरेको यो पहिलो प्रयासले दर्शकहरु निराश हुने नपर्ने र केहि नया कुरा पक्कै पनि बाहिर आउने विश्वास उनले ब्यक्त गरेका छन् | त्यस्तै उनले अबको केहि समयमा नै आफ्नो एल्बम रिलिज हुने भएकोले सबैले त्यसको लागि केहि समय पर्खिदिनु हुन दर्शक श्रोताहरुलाई बिनम्र अनुरोध समेत गरेका छन् | त्यसै गरि आफ्नो प्रस्तुति हेरिसके पछि आफ्नो प्रतिक्रिया जस्ताको त्यस्तै प्रदान गरिदिनु हुन दर्शक श्रोता सम्क्ष उनले बिन्ति बिसाएका छन् |