Category: फिचर

केही दिनअघि मात्रै दशजना फिल्कर्मीले फिल्म वितरण पनि थाल्ने घोषणा गरेका थिए । फिल्म वितरणलाई ब्यबस्थित गर्दै जाने भन्दै ‘पपकर्न’ नामक फिल्म वितरण संस्थामार्फत अघि बढ्ने बताएका थिए । यसैअनुरुप यही हप्ता रिलिज हुने फिल्म ‘झोले’लाई राजधानीमा वितरणको जिम्मा पपकर्नले लिएको थियो । यो हप्ता रिलिज अरु फिल्म पछि सरेर ‘झोले’को सोलो रिलिज हुने पक्का थियो । तर यही मितिमा लामो समयदेखि नेपाली फिल्मको वितरण गरिरहेका सुनिल मानन्धरले नेपाली–भोजपुरी भाषामा बनेको फिल्म ‘सम्राट’ रिलिज गर्न लागेका छन् ।

गायिका स्मिताको ‘स्मि’ बजारमा
गायिका स्मिता घिमिरेले बजारमा ‘स्मि’ नामक एल्बम लन्च गरेकी छिन् । काठमाण्डौको नक्साल बन्क्वेटमा हिजो आयोजित एक कार्यक्रममा एल्बमको बिमोचन गरिएको हो । बिमोचन गायक कुमार बस्नेतले गरेका थिए ।

व्हीलचियर बास्केटबल टिमलाई ‘मोक्ष’ देखाइयो
सर्वाधिक चर्चा पाउन सफल फिल्म ‘मोक्ष’ युनिटले व्हीलचियर प्रयोगकर्ता खेलाडीहरु लाई फिल्म देखाएको छ । आइतबार राजधानीको बिग सिनेमामा नेपाल राष्ट्रिय व्हीलचियर बास्केटबल टिमलाई ‘मोक्ष’ बिशेष शो गरिएको हो।

बलिउडमा ‘धुम–३’ मार्फत धुम मच्चाएका अभिनेता आमिर खान र बार्बी गर्ल कट्रिना कैफ अमेरिकी एक अनलाइनले गरेको सर्वेक्षणमा १ नम्बरमा परेका छन् । टाइम सेलेबेक्स वेबसाइटले गरेको सर्वेमा बलिउडका मिस्टर परफेक्टनिस्ट आमिर र बार्बी गर्ल कट्रिनाले प्रथम स्थान हासिल गरेका हुन् ।

निर्माता संघको तेह्रौं साधारणसभा सम्पन्न
चलचित्र निर्माता संघको तेह्रौं साधारणसभा सम्पन्न भएको छ । राजधानीको प्रज्ञा भवनमा शनिवार साधारण सभा सम्पन्न गरेको हो । संघका कार्यसमितीका सदस्य सहित थुप्रै निर्माताहरु उक्त कार्यक्रमा उपस्थित देखिए ।