‘इन्टु मिन्टु लण्डनमा’को पोस्टर सार्वजनिक

काठमाडाैं ।
यही आउने असोज ५ गतेबाट प्रदर्शन हुन लागेको चलचित्र ‘इन्टु मिन्टु लण्डनमा’को अफिसियल पोस्टर सार्वजनिक भएको छ । सार्वजनिक दुई मध्ये एकमा चलचित्रका दुई मुख्य कलाकार साम्राज्ञी राज्यलक्ष्मी शाह र धिरज मगर फिचर छन् भने अर्को पोस्टरमा साम्राज्ञी र धिरजको साथमा शारुक ताम्राकार, विजय लामा, दिल भूषण पाठक, अर्जुन श्रेष्ठ, रुवी राणा शाह फिचर छन् । इन्टु मिन्टु लण्डनको यसअघि गीतहरू र ट्रेलर सार्वजनिक भइसकेको छ । चलचित्रको गीतले एकप्रकारको हाइप बनाइसकेको छ । यो चलचित्रलाई चर्चित कोरियोग्राफर रेनशा बान्तवा राईले निर्देशन गरेकी हुन् ।
आइकोर फिल्मस्को ब्यानरमा निर्माण भएको चलचित्रलाई प्रभु शमसेर जबरा र प्रज्वल शमसेर जबराले मिलेर निर्माण गरेका हुन् । सिनेमाका सह(निर्माताहरूमा सुलेखा राई, वसन्त तामाङ र सुष्मिता जिरेल रहेका छन् । प्रज्ज्वल समशेर जबरा र रेनाशाकै कथा रहेको चलचित्रको लेखकमा अभिमन्यु दीक्षित र रेनाशा रहेका छन् भने, आभास कर्माचार्यको संवाद रहेको छ । शैलेन्द्र धोज कार्कीको छायाङ्कन रहेको चलचित्रमा टसूजिल कर्माचार्य, हर्कुलस बस्नेत, स्वप्न सुमन र वसन्त सापकोटाको सङ्गीत चलचित्रमा रहेको छ । चलचित्र टिम यति बेला मोफसल प्रचारमा व्यस्त रहेको छ ।