अभिनेत्री रेखा थापाले निर्देशक श्याम भट्टराई बिरामी भएर काठमाडौं फर्केको भनेर फैलाएको खबर झुटो भएको छ । श्यामले बिरामी नभएर रेखाको महत्वकांक्षा, दबाब र न्युनतम लगानीमा फिल्म बनाउने इच्छाका कारण बाहिरिएको बताएका छन् । उनले प्रेस बिज्ञप्तिमार्फत भनेका छन्, ‘सुटिङ युनिटलाई खाने र बस्ने ब्यबस्था पनि राम्रो छैन । प्राबिधिकको शरिरमा घाउ छन् । ती सबैले देख्नेछन् ।’
अभिनेता आर्यन सिग्देलद्वारा निर्मित ‘नोभेम्बर रेन’ युनिटले देशैभरका विभिन्न स्थानमा होलीको आयोजना गर्ने भएको छ । निर्देशक दिनेश राउतले मनोरन्जनसंसारलाई दिएको जानकारी अनुसार फिल्म नोभेम्बर रेन युनिटले धरान, दमक, पोखरा, हेटांैडा, धनगढी, नारायघाट आदि स्थानमा होली मनाउने भएको छ । काठमाण्डौमा भने चैत्र १ गते नै होली खेल्ने भएको छ । फिल्मका कलाकार, अन्य कलाकार, पत्रकार लगायत सहभागिता जनाउने बताइएको छ । काठमाडौं बाहिर भने २ र ३ गते होलीको कार्यक्रम आयोजना हुनेछ ।
ब्ल्याक पल मुभिज प्रालीको व्यानरको प्रस्तुति रहेको फिल्म ‘आई ह्याव रिजन टु डाई’को अडियो सार्वजनिक गरिएको छ । बुधबार राजधानीमा आयोजित एक कार्यक्रममा उक्त फिल्मको अडियो सार्वजनिक गरिएको हो ।
सबैलाई थाहा भएको कुरा हो, प्रियंका चोपडा र उनकी बहिनी परिणिती चोपडा बलिउडमा तहल्का मच्चाइरहेका छन् । प्रियंकाकी कान्छी बहिनी मीरा पनि छिन्, जसले परिणितीलाई मात्रै उछिन्ने होइन, प्रियंकालाई नै पछि पार्न सक्छिन् । बलिउडमा स्थापित भइसकेकी दिदिहरुले यी कान्छीलाई सहयोग नगरेका कारण राम्री र अभिनय क्षमता भएर पनि ओझेलमा छिन् । हाल साउथ फिल्ममा काम गरिरहेकी मीरालाई आशा छ, ‘बलिउडमा स्थापित गराउन प्रियंका सहयोग गर्नेछिन् ।’
एकल साँझ गर्न लाग्नुभा’छ रे ? हो नि । हामी गायकहरूको त सपनै हो नि एकल साँझ । सक्नेले दुई–तीन पटक गर्छन् । हामीजस्तालाई चाहिँ एक पटक भए पनि गरौँ भन्ने लाग्छ । कहाँ हुनेछ तपाईंको त्यो कार्यक्रम ? फागुन २९ गते कमलादीस्थित प्रज्ञा प्रतिष्ठानमा हुनेछ । कार्यक्रमबाट उठेको रकमको ५० प्रतिशत मैले एउटी चेपाङ…
चारवर्ष अमेरिका बसाइपछि चर्चित अभिनेत्री गौरी मल्ल नेपाल फर्किने भएकी छिन् । मल्ल अमेरिका नफर्किने गरी बुधबार नेपाल फर्किन लागेकी हुन् । आमा विरामी भएका कारण तत्काल नेपाल फर्किन लागेकी उनी फेरि फिल्ममा फर्किने भएकी छिन् ।नेपालमा फर्केपछि फिल्म अभिनयलाई निरन्तरता दिने बताएकी छिन् । उनले भनिन्, ‘यो फिल्म निर्माणका लागि मलाई पाचवर्षदेखि उनीहरुले कुरेर बसेका छन् । फिल्मको नाम नै गौरी हो । मुख्य पात्रको रुपमा म रहेकी छु । कथा पनि एकदमै राम्रो छ । त्यो मेरो ड्रिम प्रोजेक्ट पनि हो । म पनि त्यो प्रोजेक्ट छाड्न चाहन्न । पारिवारिक समस्या समाधान भइसकेपछि त्यो प्रोजेक्टमा लाग्छु ।’
लोक गायिका निशा सुनारले छोरी जन्माएकी छन् । केही महिनाअघि अमेरिका पुगेकी निशाले अमेरिकामै छोरीको जन्म दिएकी हुन् । अमेरिका पुगेर केही साताअघि मात्र निशाले म्युजिक भिडियो निर्देशक शंकर बिसीसँग बिहेको गरेको सार्वजनिक गरेकी थिइन् । केही वर्षयता सँगै बस्दै आए पनि उनीहरुले आफ्नो बिहेबारे छिपाउँदै आएका थिए ।
पाकिस्तानी अभिनेत्री सना खानको सडक दुर्घटनामा मृत्यु भएको छ । दुर्घटनामा उनका पति बाबर खान गम्भीर घाइते भएका छन् । समाचारमा बताइएअनुसार बाबरको पनि स्थिति नाजुक छ । पाकिस्तानी समाचार एजेन्सीका अनुसार दुर्घटना गएको शुक्रवारको पाकिस्तानको हैदराबाद शहरबाट करिब ३० किलोमीटर टाडा पर्ने लुनीकोटमा भएको थियो ।
गायक रामकृष्ण ढकाल १५ वर्षपछि एकल साँझमा उत्रिने भएका छन् । ‘ढकाल सुमधुर साझ भाग ३’नाम दिइएको उक्त सांगीतिक कार्यक्रम चैत्र ३० गते होटेल याक यन्ड यति हुने तय भएको छ ।
नेपाली नयाँ वर्Èको अवसरमा उनलाई ग्रिष्मा इन्टरटेन्मेन्टले स्रोतामाझ प्रस्तुत गर्ने मेसो मिलाएको हो । तीन दशकदेखि नेपाली सांगीतिक क्षेत्रमा रहेका ढकाल हालसम्मकै सबैभन्दा धेरै संघर्ष गरेर उचाइ नापेका गायकका रुपमा चिनिन्छन् । उनका एकदर्जन भन्दा धेरै एल्बम सार्वजनिक भएका छन्, फिल्मका गीतमा र कलेक्सन एल्बम्मा स्वर दिनुका साथै फिल्ममा समेत अभिनय गरेका छन् ।
निर्माताको जिम्मा लिएर मुख्य भूमिकामा अभिनय गरिरहेकी रेखा थापा ‘हिम्मतवाली’मा निर्देशकको रुपमा पनि काम गर्दैछिन् । फिल्मका निर्देशक श्याम भट्टराई बिरामी परेपछि रेखा आफैंले निर्देशन सम्हालेकी हुन् । महेन्द्रनगरको पिप्लाडीमा फिल्मको सुटिङ गर्दा गर्दै टाइफाइड भएपछि निर्देशक भट्टराई काठमाडौं फकिर्एका छन् ।
श्याम ‘हिम्मतवाली’को सुटिङमा तत्काल फर्किन नसकेपछि रेखाले फिल्म निर्देशन गर्ने हिम्मत जुटाएकी हुन् । निर्देशकको जिम्मा लिएपछि रेखाले भनेकी छिन्, ‘श्याम दाईको स्वास्थ्य झन बिग्रदै गएपछि आफैंले उपचारको लागि काठमाडौं पठाएकी हु“ ।’
