Mon. Apr 22nd, 2024

मनोरंजनसंसार डटकम
निकै लामो समय देखि नेपाली चलचित्र क्षत्रमा आफ्नो जीवन व्यतित गर्दै आइरहेका अभिनेता दिपक क्षत्रीको स्वर गुमेको छ । आफ्नो स्वर गुमेकै भएपनि उनि अभिनयमा भने निरन्तर लागिपारेका छन् । तर अब भने उनको स्वर फर्काउनको लागि पहल सुरु भएको छ । उक्त पहल यति बेला छायांकनको क्रममा रहेको चलचित्र “राज्जा रानी” युनिट ले गरेको छ । यसको कामको सुरुवात चलचित्रका निर्माता एम के पौडेलबाट भएको हो । उनले १ लाख ११ हजार १ सय ११ रुपैयाँ बैंक खाता खोलेर जम्मा गर्ने घोषणा गरेपछि कलाकार र प्राविधिकले पनि सहयोगको लागि हात सारेका छन् ।
पहल सुरु भए संगै अहिले सम्म २ लाख २१ हजार संकलनको निधो भएको छ । यस्तै केहि दिन अगाडी नेपालगंज छायांकनको क्रममा रहेको चलचित्र युनिटले उनको छायांकन स्थलमा नै सरप्राइज जन्मदिन पार्टी आयोजना गरेको थियो । उक्त कार्यक्रममा नै चलचित्र निर्माता पौडेलले अभिनेता दिपक क्षत्रीको स्वर फिर्ता गरेरै छाड्ने प्रतिबध्ता समेत जाहेर गरे ।
अभिनेता दिपक क्षत्रीको स्वर नलीमा मासु पलाएको हुनाले स्वर गुमेको उनले बताए । शल्यक्रियाको लागि झन्डै ५ लाख चाहिने क्षेत्रीले बताए । अभिनयको करियरमा पहिलो पटक छायांकन सेटमा जन्मदिन मनाएका क्षेत्री आफूप्रति उक्त सम्मानले निकै प्रफुलित देखिन्थे । उनको शल्यक्रियाको लागि अभिनेत्री केकी अधिकारी (२५ हजार), अभिनेता नाजिर हुसेन (२५ हजार) , छायांकार पुरुषोत्तम प्रधान (१० हजार) , मेकअप सरल बुढाथोकी (५ हजार) , निर्देशक यम थापा (१० हजार) , भान्से हरि थापा (५ हजार) ले सहयोग घोषणा गरेका छन् ।
चलचित्रको यतिबेला नेपालगंजको रनियापुर , बानियाँगाउँ , नेपालगंजबजार , जमुनिया लगायतका स्थानमा धमाधाम छायांकन भईरहेको छ । चलचित्रको छायांकन निकै राम्रो भईरहेको कुरा निर्देशक यम थापाले बताए ।

Leave a Reply

%d bloggers like this: