आगामी भाद्र ४ गते बाट प्रर्दशनमा आउने प्रतिक्षित सिनेमा होस्टेल रिटर्न्स, यति बेला अन्तिम प्रचार प्रसारको दौरानमा छ ।
यसै अन्तर्गत सिनेमा निर्माण ब्यानर दुर्गिश फिल्म्सले काठमाडौँ र भक्तपुरका बिभिन्न स्थानमा स्थानीय प्रतिभालाई समेटेर सिनेमा युनिट सहितको कन्सर्ट गर्ने आयोजना गर्ने भएको छ । जो कोहिले पनि उक्त कन्सर्टमा गित गाउन र प्रतिभा देखाउन पाउने निर्माता रावलले बताएका छन ।
यो योजना अन्तर्गत काठमाडौँमा २८ र २९ गते पेप्सीकोला, गोठाटार, मनोहरा र मुलपानीमा कन्सर्ट हुने छ भने ३०,३१ र ३२ गते भक्तपुरका बिभिन्न स्थानमा कलाकार सहित कन्सर्ट गरिनेछ । त्यस्तै, फेरी १, २ र ३ गते बसन्तपुर, गोंगबु, बसपार्क, टुँडिखेल र कलंकीमा कन्सर्ट हुने छ । कन्सर्टमा गाउन इच्छुक जो कोहीलाई समेत मौका दिइने पनि निर्माता सुनिल रावलले बताएका छन ।
सुरज भुषालले निर्देशन गरेको यो सिनेमा भदौ ४ गते रिलिज हुनेछ, कन्सर्ट सक्किने बित्तिकै सिनेमा युनिट देश दौडाहामा निस्किने समेत बुझिएको छ ।
बिभिन्न कलेजमा होस्टेल रिटर्न्स
यसैबीच बिहिबार सिनेमाको युनिट सहित निर्माता सुनिल रावल काठमाडौँ बसुन्धरा स्थित कान्तिपुर सिभिल इन्जीनियरिंग कलेज पुजी त्यहाँ स्थित झन्डै ३०० बिद्धार्थी संग सिनेमा बारे अन्तरक्रिया गरेको छ ।
उक्त कार्यक्रममा थुप्रै बिद्धार्थीले आफुहरु जस्तै इन्जीनियर बन्ने सपना बोकेका युवाको बारे बनेको सिनेमा होस्टेल रिटर्न्स बारे जिज्ञासा राखेका थिए । उपत्यकाका अन्य बिभिन्न कलेजमा पनि आफुहरु यसै गरि युनिट सहित पुगेर बिद्दार्थी संग छलफल चलाउने पनी उनले बताएका छन ।
