विदेशमा हिरोइन गायिका र गायिका हिरोइन धेरै छन् । सुन्दरता माथि स्वरको जादू छ¥यो भने ग्ल्यामर दुनियाँमा चर्चित हुन ‘आइतवार’ कुर्नै पर्दैन । नेपालमा पनि हिरोइन गीत पनि गाउन थालेका छन् । ‘मधुमास’ हिरोइन पूजा शर्माले पनि गीत गाउछिन् । त्यो शनिवार सिभिल मलमा देखियो । तर, उनी हिरोइन भएर होइन, गायिका पछि हिरोइन भएकी रहिछन् । रहस्य ढिलो खुल्यो । कार्तिक ८ गते रिलिजको तयारी भएको फिल्म ‘मधुमास’की हिरोइनले अनिल सिंहसँग सुमधुर स्वर जोड्दा दर्शकदीर्घा छक्कै परेका थिए । यसअघि नै उनले अनिल सिंहसँग रेकर्ड गराएको गीत ‘अमर प्रेम कथा’मा स्टेज सेयर गरेकी थिइन् । कार्यक्रममा निर्देशक सुदर्शन थापा, निर्माता तथा गीतकार बाबुराम दाहाल, अर्की हिरोइन शिवांगीनी राणा उपस्थित थिए ।