छैटौं एनएफडिसी राष्ट्रिय चलचित्र पुरस्कार २०७४ : लिलि बिली सबैभन्दा धेरै विधामा मनाेनित

मनोरंजनसंसार डटकम | Sunday, April 22nd, 2018

काठमाडाैं । ९ बैशाख – छैटौं एनएफडिसी राष्ट्रिय चलचित्र पुरस्कार २०७४ को लागि सर्वोत्कृष्ट पाँचको मनोनयन सार्वजनिक गरिएको छ ।

गत वर्ष बैशाख १ देखि चैत मसान्तसम्म प्रदर्शित ८३ सिनेमाबाट आयोजक टिमले उकृष्ट पाँचको मनोनयन सार्वजनिक गर्दै प्रमाणपत्र बाँडेको छ ।

 

अगाडीका वर्षमा २० उत्कृष्ट  विधाहरू भएकाेमा यसपाली २ वटा नयाँ विधा थप गरिएकाे छ ।  लक्ष्मीनाथ शर्मा सर्वोत्कृष्ट पटकथा/संवाद र किरण सर्वोत्कृष्ट गीतकार यो वर्ष थपिएका विधाहरु हुन् ।

२० विधा मध्ये वर्षको अन्तिम तिर रिलिज भएकाे ‘लिलिबिली’ ९ विधामा उत्कृष्टका लागि मनाेनयनमा परेकाे छ । यसका साथै  शत्रु गते पनि समान ९ विधामा नै मनाेनित भएकाे छ भने ,  ‘छक्का पन्जा २’ ८, ‘मंगलम’ ७ र ‘ए मेरो हजुर २’ ६ विधामा मनोनित छन् ।

यस वर्षकाे उत्कृष्ट पाँच अभिनेताकाे मनाेनयनमा चकलेटी हिराेहरूले पकड बनाएका छन् । ‘कृ’बाट अनमोल केसी, ‘लिलिबिली’बाट प्रदीप खड्का, ‘म यस्तो गीत गाउँछु’बाट पल शाह, ‘मंगलम’बाट पुष्पल खड्का मनोनित हुँदा ‘तान्द्रो’बाट दयाहाङ पनि यस मनाेनयनमा समेटिएका  छन् ।

बैशाख १३ गते राजधानीको हायात होटेलमा अवार्ड भव्य रुपमा सम्पन्न गरिने जानकारी अायाेजकले दिएकाे छ ।

 

 

यी हुन्  ” लिलि बिली ” उत्कृष्टका लागि मनाेनयन भएका ९ विधाहरू 

१. हिरा सर्वोत्कृष्ट चलचित्र

२.प्रकाश सर्वोत्कृष्ट निर्देशक

३.शिव सर्वोत्कृष्ट अभिनेता

४.चैत्य सर्वोत्कृष्ट नव–अभिनेत्री

५.चेतन सर्वोत्कृष्ट लेखन

६.मञ्जु सर्वोत्कृष्ट छायांकार

७.तुलसी सर्वोत्कृष्ट सम्पादक

८.वसन्त सर्वोत्कृष्ट नृत्य निर्देशक : मिलन चाम्सः उड्यो मन(ब्लाइन्ड रक्स )

९.शुभ सर्वोत्कृष्ट पाश्र्व संगीत

Facebook Comments