श्रीकृष्णको ४५ औं दिनको पुण्यतिथीमा स्वेताको मर्मस्पर्शी कविता

साउन २५ गते भारतको एपोलो अस्पतालमा उपचारका क्रममा निधन भएका स्वर्गीय नायक श्रीकृष्ण श्रेष्ठकी धर्मपत्न स्वेता खड्काले श्रीकृष्ण श्रेष्ठको ४५ दिनको पुण्यतिथीको अबसरमा उनले मर्मस्पर्शी कविता लेखेकी छिन् । उनले कवितामा श्रीकृष्ण श्रेष्ठको आत्माले शान्ति पाओस भन्दै कामना समेत गरेकी छिन् । स्वेताले श्रीकृष्ण श्रेष्ठ विनाको जीवन अन्धकारमय हुने भन्दैै मुटु बाधेरै भएपनि उनैलाई ४५ दिनको पुण्यतिथी गर्नुपर्ने मर्मस्पर्शी शब्द सहितको कविता फेसबुकमा राखेकी छिन् । असार २३ गते बैबाहिक जीवनमा बाधिएका उनीहरु हनिमुन मनाउन भारतको सिम्ला पुगेका थिए । त्यहि बखत श्रीकृष्ण श्रेष्ठ विरामी भएपछि भारतको एपोला अस्पतालमा भर्ना गरिएको थियो । त्यहि बेला नायक श्रीकृष्ण श्रेष्ठको निधन भएको होे ।
मुटुभरि पिडा बोकि हिड्नु पर्दो रहेछ ,
कसैको यादमा रोईरोई बाँच्नु पर्दो रहेछ ,
उनैलाई सम्झेर आँशु पिउनु पर्दो रहेछ ,
चिन्तै चिन्तामा स्वाश फेर्नु पर्दो रहेछ ,
जिउँदो शरीरलाई यादैयादमा मार्नु पर्दो रहेछ ,
मन मुटु थामेर ४५ दिने तिथि गर्नु पर्दो रहेछ ,
हिजो जितेको मायाँ पनि आज हार्नु पर्दो रहेछ ,
मनले नमान्दा नमान्दै आफ्नो मुटु छोड्नु पर्दो रहेछ ,
दुई मुटु टुक्रिएर छियाछिया भई दिन काट्नु पर्दो रहेछ ,
सकि नसकि यो बिडम्बना सहेर हिड्नु पर्दो रहेछ ,
कसैको यादमा रोईरोई बाँच्नु पर्दो रहेछ ,
जिउँदो शरीर पनि यादैयादमा मर्नु पर्दो रहेछ ,
मन मुटु थामेर ४५ दिने तिथि गर्नु पर्दो रहेछ ,
हिजो जितेको दिन पनि आज हार्नु पर्दो रहेछ ।।।
( मेरो भगवान , मेरो मुटु आज हजुर जहाँ भएपनि हजुरको आत्माको चिरशान्तिको कामना गर्दै हार्दिक श्रद्धानजलि अर्पण गर्दछु ।।)