‘सडक-२’ को काम सकेर मात्रै उपचारमा लाग्ने सञ्जय दत्तको भनाइ

बलिउड अभिनेता सञ्जय दत्तलाई हालै फोक्सोको क्यान्सर भएको खबर सार्वजनिक भएसँगै उनले सुरु गरेको चलचित्रको काम के हुने हो भन्ने चर्चा बलिउडमा चलिरहेको छ । उनी चलचित्र ‘सडक-२’ सँग जोडिएका छन् ।
भर्खरै यस चलचित्रको ट्रेलर सार्वजनिक भएको छ । क्यान्सरको उपचारका लागी दत्तले छिट्टै कामबाट ब्रेक लिने भएका छन् । उनले आफ्नो पछिल्लो चलचित्र ‘सडक-२’ को काम सकेर मात्रै उपचारमा लाग्ने उनले बताएका छन् । यसबारे बलिउड मिडियाले सडक-२ का लागि सञ्जयको डबिङको अलिकति काम बाँकी भएको र त्यो सकेर उनी उपचारको लागी विदेश जाने बताएका छन् ।
श्वासप्रश्वासमा समस्या भएपछि लिलावती अस्पताल भर्ना भएका दत्त आफू ठिक भएको भनी आफ्ना शुभचिन्तकहरूलाई आफ्नो बारेमा धेरै चिन्ता नलिन सामाजिक सञ्जालमार्फत आग्रह गरेका थिए । यस लगत्तै उनलाई क्यान्सर भएको खबर बाहिरिएको थियो ।