वर्षा प्रति प्रकाश र सिडको “माया बढ्यो झन् झन्” , वर्षाको माया भने कसलाई हेर्नुहोस ?

मनोरंजनसंसार डटकम
चैत्र ११ गते देखि प्रदर्शन आउने तयारी गर्दै केहि समय अगाडी मात्र आफ्नो पहिलो ट्रेलर सार्वजनिक गरेको चलचित्र “लप्पन छप्पन” ले आफ्नो नया गीत सार्वजनिक गरेको छ । “माया बढ्यो झन् झन्” बोलको गीतमा शब्द संगीत र स्वर दिपक आर.जे रहेको छ । अलिक फरक र रमाइलो फ्लेवरमा तयार गरिएको गीतलाई दर्शकहरुले मनपराउन थालेका छन् । गीत सार्वजनिक भए संगै युटुबमा अनेक कमेन्ट बर्षीन थालेका छन् । सबैले निकै नै राम्रो गीतको संज्ञा उक्त गीतलाई दिएका छन् ।

यसो त चलचित्रको केहि समय अगाडी सार्वजनिक ट्रेलरले पनि निकै राम्रो चर्चा नेपाली दर्शकहरुको माझमा बटुलिरहेको छ । अबको नेपाली चलचित्रमा केहि आमुल परिवर्तन यस चलचित्रले पक्कै पनि लिएर आउछ भन्ने विश्वास धेरै दर्शकहरुले राखेको देखियो । चलचित्रको फरक प्रस्तुति यसको साथमा कलाकारहरुको फरक लुक्स र लोकेशनको दृश्यको मिश्रणले चलचित्रलाई दर्शकहरुले हेर्न शैलीमा नै धेरै परिवर्तन लिएर आएको छ । यति दर्शकहरुलाई चलचित्रकी अधिक पर्खाई रहेको पाईएको छ । यहि हिसाबले चलचित्र टिम पनि यति बेला जोडतोडले प्रचार प्रसारमा दौडीरहेको छ । कलाकारहरुले पनि प्रचार प्रसारमा धेरै साथ दिइरहेको निर्माण पक्षेले बताएको छ ।

चलचित्रलाई निर्माता डम्बर चन्दले निर्माण गरेका हुन् । चलचित्रको बिषयमा बोल्दै उनले भने चलचित्र हेर्न लाएक बनेको छ । कसै पनि मनलाई चलचित्रलाई निराश नबनाउने उनको विश्वास रहेको छ । चलचित्रको निर्माणमा आफुहरुले कुनै पनि किसिमको कमि कमजोरीहरु नछोडेको र सक्दो कथालाई न्याय गर्दै दर्शकहरुको चाहनालाई पनि एकदमै ध्यान दिएर केहि नया कुरा दर्शकहरुलाई दिने प्रयास आफु लगाएत आफ्नो टिमले गरेको कुरा उनले उल्लेख गरेका छन् ।

गोल्डेन हिल्स पिक्चर्स र बाशुलीङ फिल्म्सको प्रस्तुति रहेको चलचित्रमा दयाहाङ राई , सौगात मल्ल , अर्पण थापा , वर्षा शिवाकोटी , नव नायक प्रकाश जंग शाह र सिड खरेल , देवु श्रेष्ठ , राजु लामा लगाएतका कलाकारहरुको मुख्य भूमिका रहेको छ । यस चलचित्रमा छायाँकार पुरुषोतम प्रधान , सम्पादक सुरेन्द्र पौडेल , साउण्ड डिजाइनर उत्तम न्यौपाने , ब्यागग्राउण्ड इम्माम बिक्रम शाह , कलरिस्ट राजेन्द्र मोक्तन रहेका छन् । यस्तै चलचित्रका सह निर्माता इन्द्र प्रसाद खरेल तथा कार्यकारी निर्माता सहदेव गौतम हुन् । चलचित्रका निर्देशक मुकुन्द भट्ट हुन् । चलचित्रको बजार वितरकको जिम्मा गोबिन्द शाहीले लिनुभएको छ ।
हेर्नुस गीत :