काठमाडाैँ । नेपाली फिल्म ‘ए मेरो हजुर–४’ प्रदर्शनको २५ औं दिनमा प्रवेश गरेको छ । नयाँ वर्षबाट प्रदर्शन भएको फिल्म सफलतापूर्वक यात्रा गर्दै २५ औं दिनमा प्रवेश गरेको हो ।
फिल्म २५ औं दिनमा प्रवेश गरेपछि नायिका सुहाना थापा तथा निर्देशक झरना थापाले खुसी सहित नेपाली दर्शकहरूसमक्ष आभार व्यक्त गरेका छन् ।
देशभर सिंगल तथा मल्टिप्लेक्स हलमा फिल्मले लगातार हाउसफुलको व्यापार गरेको थियो ।
झरना थापाद्वारा निर्देशित फिल्ममा अनमोल केसी, सुहाना थापा, सलोन बस्नेत, रवि गिरी, सरोज खनाल, लुनिभा तुलाधर, रक्षा गौतमलगायत कलाकारहरूको अभिनय छ ।
कतिपयले भारतीय फिल्म केजिएफ–२ सँग प्रतिस्पर्धा गर्न नसक्ने भन्दै होच्याएको फिल्मले प्रतिस्पर्धामा राम्रो गति समाइरहेको छ ।