असोज १५ गते ‘कबड्डी ४’ रिलिज हुने

काठमाडाैँ । सफल फिल्म ‘कबड्डी’को चाैथो सिक्वेल बन्ने पक्का भएसँगै यसको रिलिज डे पनि तय भएको छ । दर्शकमाझ लोकप्रीय यस फिल्मको चाैथो सिक्वेल ‘कबड्डी ४’ आगामी असोज १५ गते अर्थात अक्टोबर १ मा रिलिज हुने भएको हो ।
रामबाबु गुरूङले नै निर्देशन गर्ने यो फिल्म बासुरी फिल्मसले निर्माण गर्न लागेको हो । फिल्ममा दयाहाङ  राइ, साैगात मल्ल र निश्चल बस्नेत लगायतका कलाकारहरूको अभिनय रहने तय भएको छ ।
यसका तीन वटा सिक्वेलमा लोकप्रीय कलाकार दयाहाङ राइ तथा बुद्धि तामाङ लगायतले लिड रोल पाएका थिए । नेपाली दर्शकमाझ कबड्डी, कबड्डी कबड्डी र कबड्डी कबड्डी कबड्डी लोकप्रीय  फिल्म हुन् ।
रामबाबु गुरुङ निर्देशित कबड्डीको तेस्रो सिक्वेलमा दयाहाङ राई, कर्मा, उपासना सिंह ठकुरी, विल्सन विक्रम राई, वुद्दि तामाङ लगायतका कलाकारले मुख्य भुमिका निभाएका थिए ।
२०७६ सालमा उक्त फिल्मले नेपाली फिल्ममध्ये सबैभन्दा धेरै व्यापार गरेको थियो । कबड्डी ४ सँगै  कबड्डीको सिक्वेल सकिनेछ । कबड्डीको यो नै अन्तिम सिक्वेल हो ।