वेब सिरिज ‘लभ सूत्र’ निर्माण हुने भएको छ । ५ एपिसोड रहने यस वेब सिरिजमा अभिनेता विनय श्रेष्ठ, संजोग कोइराला र नायिका शिल्पा मास्केको मुख्य भूमिका रहने छ । पहिलो पटकको लकडाउन खुकुलो भएपछि केही भाग छायाङ्कन भएको यस सिरिजको दोस्रो चरणको लकडाउन सँगै काम रोकिएको छ ।
ओम प्रकाश अग्रवाल र विनय श्रेष्ठले निर्माण गर्ने ‘लभ सूत्र’मा सुरक्षा पन्त, रविन्द्र झा, साजन श्रेष्ठ लगायतका कलाकारको पनि अभिनय रहनेछ । प्रेम कथामा आधारित रहने सिरिज चलचित्रकै शैलीमा यो सिरिज खिचिएको छ ।
अहिले सिरिज भनेर खिचिए पनि यसलाई चलचित्रकै शैलीमा खिचिएको र पछि चलचित्रकै रूपमा पनि प्रदर्शन हुन सक्ने बताइएको छ । अहिलेलाई ‘लभ सूत्र’ हरेक भागलाई २० देखि २५ मिनेटमा देखाउने गरी छायाङ्कन गरिएको छ ।
