नेपाली फिल्मको प्रचारप्रसार गर्ने शैलीमा परिवर्तन आइरहेका बेला ‘बादसाह जुट’ले पनि नयाँ शैली अपनाउदै दर्शकहरुको नजर सोझै पर्ने स्थान बसको सिटको कभरमा फिल्मको प्रचारप्रसार सामग्री प्रिन्ट गरेको छ ।
कार्तिक १५ गतेदेखि प्रदर्शनमा आउन लागेको चलचित्र प्रचारप्रसारको यो नौलो शैलीले दर्शकलाई हलसम्म तान्ने यो जुक्ती चलचित्र निर्माण युनिटले निकालेका हुन् ।केही समय अगाडि फिल्मको ट्रेलर सार्वजनिक गरिएको थियो । ट्रेलरलाई नेपाली फिल्मका दर्शकहरुले खुबै रुचाइरहेका छन् ।
चलचित्र ‘बादसाह जुट’ को मुख्य भुमिकामा सुशील श्रेष्ठ र आमिर गौतम रहेका छन् । युवा नायकका रूपमा परिचीत सुशील श्रेष्ठलाई पत्रकारको रोलमा प्रस्तुत गरिएको छ, भने आमिर गौतमलाई प्रहरी हवलदारको भुमीकामा देखाइएको छ ।
कमेडी र एक्सनले भरिएको ट्रेलर निकै रमाईलो रहेको छ । फिल्म निर्माण युनिटले फिल्म उत्कृष्ट बनेको दाबी गरेका छन् । ट्रेलरले आम दर्शकलाई निकै लोभ्याए पनि चलचित्रले आम दर्शकहरुलाई कतिको लोभ्याउने हो त्यो भने कार्तिक १५ गतेपछि थाहा हुनेछ ।
बसको सिटको कभर कभरमा ‘बादसाह जुट’
