‘ जय शम्भु ‘का नयाँ पाेष्टर सार्वजनिक

काठमाडाैं । 
भदौ १ गते प्रदर्शनमा आउन लागेको चलचित्र ‘जय शम्भु’ले दुई पोस्टर सार्वजनिक गरेकाे छ । सार्वजनिक पोस्टरमा चलचित्रका मुख्य कलाकारहरू अनुपबिक्रम शाही, प्रशान्त ताम्राकार र वर्षा सिवाकोटी लगायतलार्इ समेटिएकाे छ ।
एक्सन र लभस्टोरी जनरामा निर्माण भएको चलचित्रलाई रुपेश तामाङले निर्देशन गरेका हुन् । चलचित्र काठमाडौँ र अन्नपूर्ण बेशक्यापमा खिचिएको निर्माण पक्षले बताएको छ । चलचित्रमा वर्षा, अनुप र प्रशान्तको अलावा रोशन महर्जन, करुणा पाण्डे, अनुपम श्रेष्ठ, वसन्त भट्ट, कालु राना लगायतका कलाकारको अभिनय रहेको छ । चलचित्रमा अरविन्द्र शाक्य निर्माताको रूपमा रहेका छन् भने राजकुमार नगरकोटी र चक्र पाख्रिन कार्यकारी निर्माताको रूपमा रहेका छन् ।
चलचित्रमा हरि घलेको छायाङ्कन, श्री श्रेष्ठको द्वन्द्व निर्देशन, टङ्क बुढाथोकीको सङ्गीत, वनिश शाहको सम्पादन, रामजी लामिछानेको नृत्य निर्देशन रहेको छ ।