फिल्म ‘लभ लभ लभकी’निर्मात्री सर्मिला पाण्डेद्वारा दोश्रो फिल्म निर्माणको घोषणा

प्रदर्शनरत फिल्म ‘लभ लभ लभ’ निर्मात्री सर्मिला पाण्डेले दोश्रो फिल्म निर्माणको घोषणा गरेकी छन् ।उक्त नयाँ फिल्म निर्देशक दीपेन्द्र के खनालले नै निर्देशन गर्ने भएका छन् । फिल्मकी निर्मात्री शर्मिला पाण्डेले उनलाई विश्वास गरेर नयाँ प्रोजेक्ट सुम्पिएकी छिन् । कथाको काम अनुसार यो फिल्मको बजेट ५ करोड लाग्ने पक्का छ भने यो फिल्मलाई ५ करोड बजेटमा बनाउन आफु तयार रहेको शर्मिलाको भनाई छ । उनले, आउँदो शनिबार फिल्मको घोषणा गरिने र देश तथा विदेशमा फिल्म खिचिने स्पष्ट पारिन् ।कलाकार तथा प्राविधिक भने केही दिनमा औपचारिक कार्यक्रम मार्फत सार्वजनिक गरिनेछ । सुरज सिने आर्टसले निर्माण गर्ने नयाँ फिल्ममा सुरज अर्थात ‘लभ लभ लभ’ का हिरो भने खेल्ने छैनन् । उनी निर्माताको रुपमा मात्रै संलग्न हुनेछन् । फिल्म ‘लभ लभ लभ’ मा सुरजको भूमिका र अभिनयलाई दर्शकले मन पराएका छन् । सुरजको अपोजिटमा प्रस्तुत भएकी नायिका स्वस्तिमा खड्काको कामलाई पनि दर्शकले स्यावासी दिएका छन् ।