मनोरंजनसंसार डटकम
चैत्र ४ गते देखि प्रदर्शनको लागि तयारी अवस्थामा रहेको चलचित्र “यो साईनो मायाको” ले आफ्नो प्रचार प्रसार तीव्र पार्दै लगिरहेको छ । प्रदर्शन मिति नजिकिदै गर्दा चलचित्र युनिट दर्शकहरु माझ अलि बढी सार्वजनिक हुन थालेका छन् । यस्तै चलचित्रले केहि समय अगाडी नै एक कार्यक्रम बीच आफ्नो ट्रेलर सार्वजनिक गरिसकेको छ । यस्तै सार्वजनिक ट्रेलरलाई दर्शकहरुले मनपराएको अवस्था पनि रहेको छ ।
निर्माण पक्षेले चलचित्रलाई म्युजिकल जर्नीको नाम दिएको छ । यस बाहेक पनि चलचित्र भित्र प्रेम सम्बन्ध , पारिवारिक कथा र दर्शकहरुलाई मनोरंजन गराउने धेरै कुराको मिश्रण रहेको कुरा निर्माता राम कुमार श्रेष्ठले बताउनु भएको छ । चलचित्रको निर्माणमा आफुले कुनै पनि किसिमको कसर नछोडेको कुरा पनि उनले बताए । नेपाली दर्शकहरुलाई भरपुर मनोरंजन प्रदान गर्ने चलचित्र बनेकोले एकचोटी चलचित्रलाई हेरेर आफ्नो प्रतिक्रिया दिन समेत उनले सबैलाई आग्रह गरेका छन् । चलचित्रको गीत संगीत पनि निकै राम्रो रहेको छ भने यसलाई चलचित्रको अब्बल पक्षे पनि मानिएको छ ।
मन्जिना मुभिज क्रियसनको प्रस्तुति रहेको चलचित्रमा जतिन ताम्राकार , रेश्मा घिमिरे , नवनित राज प्रधान , किशोर भण्डारी , सुनिता श्रेष्ठ , राजु भुजेल लगाएतका कलाकारहरुको मुख्य अभिनय रहेको छ । चलचित्रमा बाबुराम नेपालीको छायांकन र कुन्दन थापा र विकेश के शंकरको संगीत समावेश रहेको छ । यस्तै चलचित्रको गीतहरुमा शिव परियार , मनिषा पोखरेल , कोशिश क्षत्री र मेलिना राईले आफ्नो स्वर दिएका छन् । चलचित्रका निर्माता राम कुमार श्रेष्ठ हुन् । यस्तै चलचित्रका सह निर्माता तर्फ ज्ञानु रोय , सुरेश भण्डारी र बिरोज ताम्राकार रहेका छन् ।
हेर्नुस ट्रेलर :
