Sat. Jun 22nd, 2024

मनोरंजनसंसार डटकम
पुराना निर्माता माधव वाग्लेको निर्माणमा तयार भएको चलचित्र “लभ साशा” ले प्रदर्शन तेस्रो दिन सम्म आइपुग्दा दर्शकहरुबाट राम्रो साथ पाईरहेको छ । मल्टिप्लेक्सका दर्शकहरुले चलचित्रलाई अधिक रुचाईएको पाइएको छ । चलचित्र लव स्टोरी जेनेरमा तयार भएको हुदा पनि अहिलेको युवा पिडि चलचित्र प्रति बढी आकर्षित भएको देखिएको छ । चलचित्र हेर्ने दर्शकहरुबाट सकारात्मक प्रतिक्रिया नै आईरहेको छ । चलचित्रमा कलाकार अनि अधिकतम रुपमा निर्देशक तथा लेखक प्रचण्डमान श्रेष्ठको चर्चा भईरहेको छ । सामान्य कथालाई सहि ढंगले प्रस्तुत गर्न सक्नु उनको खुबी रहेको कुरा सबैले यति बेला बताईरहेका छन् । चलचित्र समिक्षकहरुले पनि चलचित्रको बारेमा खुलेर प्रशंसायुक्त हिसाबले समिक्षा गरिरहेका छन् ।
love-sasha
पुस २८ देखि प्रदर्शनमा आएको चलचित्रले तेस्रो दिन सम्मको यो यात्रामा दर्शकहरुको राम्रो साथले अगाडी अझै राम्रो गर्ने संकेत देखाएको छ । चलचित्रमा समावेश संवादले अधिकतम दर्शकहरुको मन छोएको छ । यस्तै चलचित्रको कथा वस्तु र भावले पनि धेरैको मन छोएको छ । आगामी दिनहरुमा समेत यस्ता चलचित्रहरुको निर्माण हुनु पर्ने र नेपाली चलचित्रमा समेत अब नयापनको आभास हुने थालेको कुरा पनि दर्शकहरुबाट प्राप्त भएको छ । दर्शकहरुको प्रतिक्रिया अनि माया र सम्मानले आफुलाई निकै खुशी अनि हौसला मिलेको र उत्साहित भएको र आगामी दिनहरुमा पनि यो भन्दा राम्रो चलचित्र लेखन अनि निर्देशन गर्ने प्रतिबध्ता लेखक तथा निर्देशक प्रचण्डमान श्रेष्ठले जाहेर गर्नुभएको छ |
love-sasha
पपकर्न पिक्चर्सद्वारा प्रस्तुत गरिएको र प्रिन्सेस मुभिज र दि टि फोकस फिल्म्सको निर्माणमा तयार भएको चलचित्रमा कर्मा , केकी अधिकारी , शिवानी चालिसे , विकास जोशी , रश्मी भट्ट र आसिफ शाह लगाएतका कलाकारहरुको मुख्य अभिनय रहेको छ | यसका साथमा चलचित्रमा शिवराम श्रेष्ठको छायांकन , लोकेश बज्राचार्यको सम्पादन र पार्श्वधुन जेसन कुंवरको संगीत समावेश रहेको छ | चलचित्रको प्रोडक्सन म्यानेजर शंकर पाण्डे हुन् भने पब्लिसिटी डिजाइनको जिम्मा स्वप्निल आचार्यले लिएका छन् |
हेन्रुस ट्रेलर :

Leave a Reply

%d bloggers like this: