कमल थापा संग हाते मालो गर्दै रेखाले गरिन राप्रपा प्रवेश

मनोरंजनसंसार डटकम
कुनै न कुनै कुराहरुबाट चर्चामा आइरहने नायिका रेखा थापाको नाम यस पटक फेरी पनि चर्चामा उठेको छ | प्रशंग हो नायिके रेखा थापाको राजिनिती पार्टी प्रवेश | सोमवार काठमाडौँमा आयोजित एक भब्य कार्यक्रम बीच नायिका रेखा थापाले पूर्ण रुपमा राष्ट्रिय प्रजातान्त्रिक पार्टी नेपाल (राप्रपा) मा प्रवेश गरेकी छिन् | उनि संगै उनकी आमा सरस्वति थापाले पनि उक्त पार्टीमा प्रवेश गरेकी छिन् |

गायिका तथा उद्घोषक कोमल ओलीले कार्यक्रममा नायिका रेखा थापाको नाम लिएर अगाडी स्टेजमा निम्ताउदा तालीको गुन्जेमन आवाज सुनियो | उपस्थित सबै पत्रकार र सम्मानीय व्यक्तिहरुले उनलाई तालीले स्वागत गरे भने पार्टीका केन्द्रिय सदस्यहरुले भने उनलाई फूल मालाले स्वागत गरे |

नायिका रेखा थापालाई राष्ट्रिय प्रजातान्त्रिक पार्टी नेपाल (राप्रपा) अध्यक्ष कमल थापाले माला र टिका लगाएर विधिवत रुपमा आफ्नो पार्टीमा प्रवेश गराएका हुन् | उनको स्वागतको लागि कार्यक्रममा थुप्रै नेताहरुको उपस्थित रहेको थियो |

आफु देशको लागि निस्पक्ष रुपमा सोच्ने र हिन्दु राष्ट्र आफ्नो पहिलो प्राथमिकता रहेको कुरा नायिका रेखा थापाले कार्यक्रममा बोलिन | यस्तै उनले कार्यक्रममा बोल्दै आज देशका ८० प्रतिशत ब्यतिहरु हिन्दु राष्ट्र चाहने र हाम्रो पहिचान पनि यहि नै भएको हुनाले सबै जना एक जुट भएर यो कुरामा अग्रसर भएर लागिपर्नु पर्ने कुरा पनि स्पस्ट पारेकी छिन् |

त्यस्तै केहि समय अगाडी नेकपा माओवादी पार्टी प्रवेश कुराले पनि केहि तहल्का मच्चाएको बिषयमा पनि उनले बोल्दै भनिन त्यो कुरा त्यति बेलाको अवस्थाको माग थियो तर नेकपा माओवादी भित्रका नेताहरुको र आफ्नो विचार कहिले पनि कदापी नमिल्ने कुरा उनले उल्लेख गरेकी छिन् | आफ्नो अगाडीको पाईला अब जनताले मुल्यांकन गर्ने र सहि कुराको निचोड समेत उहाहरुले नै निकाल्ने कुरा पनि उनले बताईंन |