आफ्नै लेखन निर्माण र निर्देशनमा लक्ष्मण सुबेदीले गरे “टुना मुना” को घोषणा

मनोरंजनसंसार डटकम
केहि समय अगाडी मात्रै चलचित्र “लालजोडी” निर्देशन गरेका संचारकर्मी तथा निर्देशक लक्ष्मण सुबेदीले आफ्नो नया चलचित्र “टुना मुना” को घोषणा गरेका छन् | उनले यो चलचित्र आफ्नै स्वयमकै कम्पनि दिलाशा क्रियशनको व्यानरबाट निर्माण गर्न लागेका हुन् | त्यसै चलचित्रको निर्माता लेखक तथा निर्देशक आफै रहेको कुरा समेत उनले खुलासा गरेका छन् |
अहिले स्क्रिप्टको काम तिर लागिरहेको छु भन्दै दशैं लगतै चलचित्रको सांगीतिक काम सुरु हुने जानकारी समेत उनले दिएका छन् | एक्सन थ्रिलर जेनेरमा तयार हुने यस चलचित्रलाई दर्शकको टेस्ट संग जुधाएर बनाइने कुरा उनले उल्लेख गरेका छन् |
आफ्नो पछिल्लो चलचित्र प्रति दर्शकहरुको प्रतिक्रियाले आफुलाई अझै नया काम गर्न जोश र जाँगर थपिदिएको र हौसला समेत प्रदान गरेको कुरा उनले बताएका छन् | अब आउने चलचित्र निकै नै राम्रो बनाउने कोसिस गर्ने र दर्शकहरुलाई कदापी निराश नबनाउने प्रतिबद्धता उनले जाहेर गरेका छन् |