भब्य र सब्य रुपमा सम्पन्न भयो “गाठो” को प्रिमिएर

मनोरंजनसंसार डटकम
भाद्र ३१ गते अर्थात् भोलि शुक्रबारबाट एकै साथ प्रदर्शनमा आउन लागेको चलचित्र “गाठो” ले हिजो जय नेपाल हलमा आफ्नो रेड कार्पेट प्रिमिएर शो गरेको छ | प्रिमिएर शो हेर्न अधिंकाश कलाकार र पत्रकारहरुको जमघट रहेको थियो | चलचित्र हेरिसकेपछि सम्पूर्ण व्यक्तिहरुले निकै राम्रो प्रतिक्रिया दिनुभएको छ | नेपाली सामाजिक कथाको कुराहरुलाई निकै राम्रो संग देखाइएको र बिषय बस्तु निकै सस्पेन्स रुपमा तयार पारिएको कुरा समेत त्यहाँ उपस्थित महानुभावहरुको भनाई रहेको थियो | कार्यक्रम निकै भब्य र सब्य रुपमा सम्पन्न भएको छ | चलचित्र निकै राम्रो रहेको र सफलताको कामना गर्दै त्यहाँ उपस्थित सम्पूर्णले निर्देशक सुरज भुसाललाई बधाई दिएका थिए |

बट वाल इन्टरटेनमेन्टको ब्यानरमा सुरज भुसालको प्रस्तुति रहेको चलचित्रमा नाजिर हुसेन , अभय बराल , नम्रता श्रेष्ठ लगाएतका कलाकारहरुको मुख्य भूमिका रहेको छ | चलचित्रले आफ्नो पहिलो ट्रेलर र अडियो समेत सार्वजनिक गरिसकेको छ | प्रस्तुत ट्रेलर र अडियो गीत अहिले सबैतिर लोकप्रिय भैरहेको छ | चलचित्रका निर्देशक सुरज भुसाल हुन् भने निर्माता स्वयम सुरज भुसाल र तिलक बहादुर क्षत्री हुन् | दर्शक माझ “मौन” र “होस्टेल रिट्रनस” जस्ता सफल चलचित्र प्रस्तुत गरिसकेका उनको यो तेस्रो चलचित्र हो |


चलचित्र पूर्ण रुपमा नेपाली सामाजिक परिवेशमा तयार भएको र चलचित्रले सबै दर्शकहरुलाई मनोरंजन प्रदान गरि संदेश समेत प्रव्हा गर्दछ भन्ने कुरा निर्देशक सुरज भुसालले बताउनु भएको छ | “गाठो” कस्तो किसिमको चलचित्र हो भनेर सोधिएको प्रश्नमा उनले भने – ” यो गाठो सम्बन्धको गाठो हो ” | चलचित्रको सारा कथा ३ कलाकारको सम्बन्धमा नै घुमेको छ | सम्बन्धको कुरालाई उनले निकै राम्रो र सहज ढंगमा दर्शक माझ प्रस्तुत गर्ने सफल भएका छन् | त्यस्तै उनले एक पटक आफ्नो चलचित्र “गाठो” हेरेर सहि मुल्यांकन गरि सल्लहा सुझाब र प्रतिक्रिया दिनुहुन सम्पूर्ण दर्शकहरुलाई आग्रह समेत गरेका छन् | चलचित्रको बजार वितरकको जिम्मा भने गोबिन्द शाहीले लिनुभएको छ |