“पुरानो डुंगा” को “निर जैले रिसाउने” बोलको गीतले नेपाली चलचित्र क्षत्रको इतिहासमा नया कृतिमान बनाउने तयारी

मनोरंजनसंसार डटकम
मंसिर १० गते प्रदर्शन मिति तोकेको चलचित्र “पुरानो डुंगा” को “निर जैले रिसाउने” बोलको गीत अहिले सबैतिर निकै नै भाईरल भैरहेको छ | गीतलाई युटुबमा रिलिज भएको २० दिनमा झन्डै १५ लाख दर्शकहरुले हेरेर सुनिसकेका छन् भने यस गीतको कबर सोङ्ग नृत्य पनि युटुबमा निकै बढ्दो अवस्थामा आइरहेको छ | अब यस गीतले विभिन्न रेकर्डहरु तोड्दै नेपाली चलचित्र क्षत्रको इतिहासमा नया कृतिमान बनाउने तयारीमा रहेको छ | अहिले नेपालमा मात्र नभएर नेपाल बाहिर पनि विभिन्न देशहरुमा “पुरानो डुंगा” को चर्चा परिचर्चा भैरहेको छ | चलचित्रको पहिलो गीतलाई अहिले निकै नै धेरै दर्शकहरुले मनपराई रहनुभएको छ | अहिले जुन किसिमको “पुरानो डुंगा” को चर्चा परिचर्चा भैरहेको छ त्यस हिसाबले चलचित्रले नेपाली चलचित्र क्षत्रमा नया इतिहास रच्ने अनुमान चलचित्र क्षत्रका विभिन्न विज्ञहरुले लगाउन थालिसकेका छन् | त्यसै गरि यस चलचित्रले नेपाली चलचित्र क्षत्रको मात्र नभई सारा नेपालीको सम्मान बढाउने कुराको पनि अनुमान लगाउन थालिसकिएको छ | अहिले यो चलचित्र देश भित्र मात्र नभई देश बाहिरका दर्शकहरुको लागि पनि मोस्ट वेटेड चलचित्रको रुपमा मानिएको छ |


सिनेमा आर्ट्सको ब्यानरमा माओत्से गुरुङ फिल्म्सको प्रस्तुति रहेको चलचित्र “पुरानो डुङ्गा” लाई रामबाबु गुरुङले निर्देशन गरेका छन् | उपेन्द्र सुब्बाको स्क्रिप्ट , शैलेन्द्र डी कार्कीको छायांकन, निमेश श्रेष्ठको सम्पादन, कालीप्रसाद बास्कोटाको संगीत रहेको यो चलचित्रका कार्यकारी निर्माता माओत्से गुरुङ, मणीराम पोखरेल र बाल्मिकी पोखरेल हुन् । रौनक विक्रम कँडेल, ओम चन्द रौनियार, धनवहादुर गुरुङ र प्रकाश गुरुङ निर्माता रहेको चलचित्रमा अर्जुन कार्की सह-निर्माता छन् । चलचित्रमा दयाहाङ राई, प्रियंका कार्की, माओत्से गुरुङ र मेनुका प्रधान मुख्य भूमिकामा छन् ।


यो भन्दा अगाडी “कबड्डी” र “कबड्डी कबड्डी” जस्ता सुपरहिट चलचित्र निर्देशन गरेर दर्शकहरु माझ आफ्नो नाम उच्च स्थानमा राख्न सफल रहेका निर्देशक रामबाबु गुरुङ यो तेस्रो चलचित्र हो | उनि आफु यस चलचित्र बाट निकै आशावादी रहेको कुरा पनि बताएका छन् | चलचित्र निकै राम्रो बनेको र सम्पूर्ण दर्शकहरुको मन जित्ने विश्वास पनि उनले ब्यक्त गरेका छन् | चलचित्रको बजार वितरक जिम्मा गोबिन्द शाहीले लिनु भएको छ | चलचित्र “पुरानो डुंगा” ले ब्यापारिक हिसाबमा समेत नया रेकर्ड कायम गर्ने विश्वास उहाले ब्यक्त गर्नुभएको छ |
हेर्नुस टिजर :

हेर्नुस गीत :