रामप्यारीको सिंगल स्क्रिन कलेक्सन ड्रिम्स भन्दा माथी | नवनायक आभाष संग सेल्फी खिच्नेको भिड

सुपरस्टार अभिनेत्री रेखा थापाको पछिल्लो रिलिज फिल्म ‘राम प्यारी’ ले शुक्रबार देशैभर आक्रमक कलेक्सन गर्यो । शनिबार पनि यो फिल्मले बिहानी तथा मध्यान्हमा पनि देशका सम्पूर्ण हलहरुमा हाउसफूलको व्यापार गर्न सफल भएको छ । राजधानीका गोपिकृष्ण, अष्टनारायण, कलंकी, गुण लगायत हलहरुमा ‘राम प्यारी’ ओभरफ्लो हुन गयो ।
काठमाण्डौं वितरक गोपाल कायस्थका अनुसार रेखाको ‘राम प्यारी’ ले एकल पर्दामा शुक्रबार तथा शनिबारको मध्यान्ह्का शोहरुमा पछिल्लो सुपरहिट फिल्म ‘ड्रिम्स’ को कलेक्सनलाई पनि उछिनेको छ । वितरक कायस्थले भने, ‘धेरै सिङ्गल हलहरुमा ‘राम प्यारी’ ले ड्रिम्सलाई पनि उछिनेको छ ।
यस्तै शनिबार मध्यान्ह्को शोजमा चावाहिलस्थित गोपिकृष्ण हलमा पुगेका ‘राम प्यारी’ नव नायक आभाष अधिकारी र नायिका आश्मा डिसीलाई दर्शकले न्यानो माया देखाए । नव नायक आभाष अधिकारीसाग सेल्फी खिच्न दर्शकहरुको भिड निकै बेरसम्म लाग्यो । सोही हलमा शुक्रबार नायिका थापालाई दर्शकले हुटिङ गर्दै उचालेका पनि थिए ।

 
शुक्रबार  रामप्यारिले १६ लाख माथि र नाई नभन्नु ल ४ ले ११ लाखको व्यापार गरेको बुझ्नमा आएको छ, यद्धपि अधिकारिक बक्स  अ अफिस कलेक्सन रिपोर्ट भने आउँ बाकि रहेको छ ।
ग्ल्यामर नेपालको सहयोगमा
तस्बिर : सपन श्रेष्ठ