ऐतिहासिक कथाबस्तुलाई आधार मानी नयाँ प्रस्तुतिमा तयार पारिएको नेपाली जंगे बैशाख १७ गते रिलिज हुदैछ । रिलिजको करिब एक महिनाको समय बाकी रहदा सिनेमा युनिटले आईतबार एक प्रेसमिट गर्दै सिनेमाको पहिलो अफिसियल ट्रेलर रिलिज समेत गर्यो ।
उत्कल थापा निर्देशित सिनेमा जंगेमा संचारकर्मी तथा अभिनेता सुरज सिंह ठकुरी प्रमुख भूमिकामा (जंगेको रुपमा) देखिएका छन । शुसन प्रजापतिको कथा अनि निर्माणमा बनेको सिनेमामा नरेश भट्टराई, अनुप बराल, सुशील राज पाण्डे, नाजिर हुसेन, अभिनेत्रीहरु ऋचा शर्मा, दिपशिखा शाहि लगायत कलाकारहरुको अभिनय रहेको छ ।
सार्बजनिक ट्रेलरमा सुरज सिंह ठकुरीको दमदार एक्सन देखाईएको छ भने, ईतिहासका महान हस्ती जंगबाहादुर राणाको जीवनमा घटेको घटनाहरु जस्तै तराई परिवेसमा उस्तै बिषय देखाई एउटा मसलेदार सिनेमा बनाएको निर्माण युनिटले बताएको छ ।
अभिनेता सुरज सिंह ठकुरीले यो सिनेमा निर्माण हुदा आफु दुई पटक दुर्घटनामा परि कहिँले खुट्टा भाचिने कहिले टाँका लगाउन परेकाले दुख भएको तर आउट पुट राम्रो आएकाले खुशी लागेको बताए । साथै सिनेमामा आफुले कुनै स्टन्ट गर्ने मान्छे नराखी आफैले एक्सन दृश्यहरु दिएको पनि खुलाए ।
निर्माता सुशन प्रजापतिले सिनेमा यो जनरा र त्यो जनराको भन्दा पनि एउटा नेपाली एक्सन सिनेमा बनाएकोले नेपाली मनले हेर्न आग्रह गरे । प्रेस मिट्मा निर्देशक थापा भने उपस्थित थिएनन, उनले अस्ट्रेलिया बाट संबाददाताहरुको लागि भिडियो संदेश पठाएका थिए । सिनेमालाई गोबिन्द शाहीले बितरण गर्दैछन ।