काठमाडौँमा हुनेछ चर्चित बलिउड गायक अंकित तिवारीको कन्सर्ट

चर्चित भारतीय गायक अंकित तिवारीको नेपालमा भब्य कन्सर्ट हुने भएको छ । आउँदो अक्टोबर ३ अर्थात असोज १६ गतेका दिन जावलाखेल फुटबल मैदानमा अंकितले कन्सर्ट हुनेछ ।
आयोजक संस्था प्लानेट नेपाल इन्टरटेनमेन्टका नासिर हुसेनका अनुसार कन्सर्टको आयोजनाबाट आएको मुनाफाको केही प्रतिशत हामी भूकम्प पीडितका लागि खर्च गरिनेछ ।’सन् २००७मा स्थापना भएको प्लानेट नेपाल इन्टरटेनमेन्टले यसअघि ‘मिका सिंह लाइभ इन कन्सर्ट’, ‘आतिफ असलम इन नेपाल’को सह आयोजकको रुपमा काम गरेको थियो भने एमटीभीको शो स्टन्ट मानियाका तीन संस्करण, पहिलो माउन्टेन स्पार्टस् फेस्टिभल, मोटो म्याडनेस लगायतका थुप्रै इभेन्टको आयोजना गरिसकेको छ ।
यसका लागी अंकित केहि दिन अगाडी नेपाल आउनेछन र प्रेस मिटको समेत आयोजना हुनेछ ।   ‘आशिकी २’को ‘सुन रहा है न’ गीतबाट पाश्र्व गायनमा स्थापित अंकित तिवारीले ‘एक भिलेन’को गीतबाट थप उचाई पाएका थिए । उनले पाकिस्तानी फिल्म ‘बिन रोए’मा गाएको गीत ‘ओ यारा’ले अंकितलाई पाश्र्व गायनमा उम्दा गायकको रुपमा स्थापित गरेको थियो । त्यसयता उनले थुप्रै बलिउड फिल्ममा आवाज दिईसकेका छन् ।
अंकित को कन्सर्टको हाल बिभिन्न स्थानमा तिक्त समेत बिक्रि भईरहेको छ , दिउँसो दुई बजेबाट सुरु हुने कन्सर्टमा सहभागि हुन चाहाने दर्शकले ५ सय, १५ सय र ३ हजारको टिकट लिनु पर्छे । कार्यक्रममा अंकितसँगै गाउनलाई नेपाली गायक सविन राई र कववेव ब्यान्डसँग कुरा भईरहेको पनि आयोजकले जनाएको छ ।
हेर्नुहोस कन्सर्ट प्रोमोसन भिडियो :