ग्याङस्टारको कथामा आधारित भनिएको चलचित्र ‘षडङ्ग’ अब चलचित्र भूल भुलैयासगँ चैत १३ गते एकसाथ प्रदर्शनमा आउने भएको छ । वुधबार काठमाडौंमा पत्रकार सम्मेलनको आयोजना गदैं चलचित्रको निर्माणयूनिटले चलचित्र ‘षडङ्ग’को प्रदर्शन मिति,ट्रेलर, पोस्टर र गीत सार्वजनिक गरेको छ ।
उक्त कार्यक्रममा बोल्दैं चलचित्रका कलाकार अनुप बरालले चलचित्र ‘षडङ्ग’ सबैपक्षबाट बलियो रहेको बताए । ‘चलचित्र ‘षडङ्ग’ अरु चलचित्रको तुलनामा केहि फरक र नयाँ छ’,’अनुप अगाडी भन्छन्,’दर्शकलाई चलचित्र केहि नयाँ स्वाद दिने चलचित्र लाग्न सक्छ ।’ त्यस्तैं उक्त कार्यक्रममा बोल्दैं चलचित्रका निर्देशक सुरज सुनुवारले ‘षडङ्ग’ले दर्शकसगँ षड्यन्त्र गरेर हलसम्म नलैजाने बताए ।
‘राम्रो चलचित्रलाई दर्शकले आफैं साथ दिन्छन्’, निर्देशक सुनुवारले भने,’चलचित्रले अहिलेको पुस्ताको कथा बोकेका कारण ‘षडङ्ग’ दर्शकको आफ्नो चलचित्र बन्छ ।’
त्यस्तै कार्यक्रममा बोल्दैं चलचित्रका नायक सौगात मल्लले चलचित्रमा आफुले सोचेअनुरुपको भुमिका भेटेको र उक्त भुमिका दर्शकलाई पनि मन पर्ने बताए । ‘लामो समयदेखी म यस्तैं कथा र भुमिकाको खोजीमा थिए र मैले ‘षडङ्ग’मा निकै मेहेनत गरेर उक्त भुमिकालाई न्याय दिने कोशिस गरेको छु’,सौगातले बताए । त्यस्तैं कार्यक्रममा बोल्दैं नायिका प्रियंका कार्कीले विल्कुलै फरक पात्रका रुपमा आफूले यो चलचित्रमा अभिनय गरेको बताएकी छिन् ।
त्यस्तैं चलचित्रका निर्माता समिर सुनवारले आफूलाई कथावस्तु मन परेकाले लगानी गरेको बताए । प्रियंका कार्की, सौगात मल्ल, अनुप बराल , सौरम राज तुलाधर सहित बिजय लामाको मुख्य भूमिकामा रहेको सडङ्गलाई सुरज सुनुवारले निर्देशन गरेका हुन ।