बलिउड अभिनेता सैफ अलि खानसँग बैबाहिक जीवनमा बाधिएपछि आफ्ना पूर्वप्रेमीहरुसँग खासै चलचित्रमा नदेखिएकी नायिका करीना कपूर अब चाडैं आफ्नो पूर्वप्रेमी शाहिद कपूरको साथमा देखिदैं छिन् । हाल सलमान खान अभिनित चलचित्र बजरंगी भाईजानको शूटिंगमा व्यस्त करीना हाल शाहिद कपूर र आलिया भट्टको साथ उड़ता पंजाबमा समेत अभिनय गरिरहेकी छिन् । अहिले करीना बजरंगी भाईजान र उड़ता पंजाब यि दुवै चलचित्रको छायांकनमा व्यस्त छिन् । खबरका अनुसार करीनाले पूर्व क्रिकेटर मोहम्मद अजहरुद्दीनका बायोपिकमा काम नगर्ने खबर पनि बाहिर आएको छ । हाल दुई चलचित्रको कडा तालिकामा काम गरिरहेकी करीनाले समय प्रयाप्त समय नभएका कारण उक्त बायोपिक छोड्नु परेको बताइएको छ । पूर्व क्रिकेटर मोहम्मद अजहरुद्दीनका बायोपिकमा संगीता बिजलानीको रोल निभाउन लागेकी करीनाले अन्तत उक्त बायोपिकमा काम नगर्ने भएकी छिन् ।