मिस नेपाल सुबिन लिम्बु बेलायतमा सम्मानित भएकी छिन् । गत २७ डिसेम्वर २०१४ को दिन बेलायतको हकिन्स कम्युनिटी हल, केन्टमा मिस नेपाल लिम्बुको सम्मान गरिएको थियो । तेह्रथुम समाज युकेले आयोजना गरेको सम्मान कार्यक्रममा लण्डनमा आयोजित ६४औ मिस वल्र्ड २०१४ को प्रतियोगितामा नेपालबाट भाग लिन गएको भन्दै उनलाई सम्मान दिइएको थियो । सम्मान पछि मिस सुबिन लिम्बुले शिक्षाको बिकाश, आफ्नो मौलिक संस्कार संस्कृतिलाई पनि उत्तिकै प्राथमिकता दिनुपर्ने र “बिउटि वीथ प्रपोज”लाई आधिकारिक रुपमा शिक्षा क्षेत्र विषेशत ग्रामिण क्षेत्रका बिध्यार्थीहरुलाई सहयोग हुने कार्यलाई अघि लाने प्रतिवद्दता व्यक्त गरेकी थिइन । सिङ्गो राष्ट्रको मात्र प्रतिनिधि नगरी लिम्बु पहिरन मेख्ली र बिर गोरखालीको ईतिहासलाई पनि जिवन्त राख्ने उदाहरणिय भुमिका निर्वाह गरेकोले त्यस कार्यको उच्च कदर गर्दै सम्मान–पत्र प्रदान गरिएको आयोजक संस्थाका सभापति तेयुङले जानकारी दिएका छन् ।