Wed. Dec 7th, 2022

मंसिर १९ गते प्रदर्शनमा आएका चलचित्र नाईकेमा पहिलो पटक एक्शन अवतारमा देखिएका नायक आर्यन सिग्लेद पुन पुष २५ गते देशभर प्रदर्शनको तयारीमा रहेको चलचित्र अलबिदामा पनि एक्शन अवतारमा देखिएका छन् । आफुलाई दर्शकले यस्तै भुमिकामा देख्न मनपराएका कारण अलबिदामा पनि आफ्नो आर्कषक एक्शन पाटो रहेको आर्यनले सञ्चारकर्मीहरु माझ बताए । ‘मैले अलबिदामा गरेको एक्शन भुमिका म आफैंलाई निकै परेको छ मलाई विश्वास छ मेरो भगवान जस्ता दर्शकलाई पनि मेरो भुमिका मन पर्छ होला भन्नेमा’-आर्यनले भने । आर्यनले फिल्ममा मुस्लिम धर्म मान्ने एक प्रहरीको भूमिका निर्वाह गरेका छन् । फिल्ममा डीएसपीको भूमिकामा निभाएका आर्यनले चलचित्र अलबिदाकै लागी आफुले ७ केजी तौल घटाएको पनि पत्रकार माझ खुलाए ।

alvida

त्यस्तै चलचित्रमा आर्यनको प्रेमीकाको रुपमा देखिएकी अनिता आचार्यले मुस्लिम धर्म मान्ने यूवतीको भूमिकामा देखिएको खुलाइन । उनले भनिन -‘पहिलो पटक आर्यन सिग्देलसँग काम गर्न पाउँदा निकै खुसी छु’ अनिताले भनिन् चलचित्रमा आफुहरुको जोडीलाई दर्शकले पनि मनपराउने विश्वास व्यक्त गरिन । त्यस्तै चलचित्रका निर्माता एवं कलाकार हसन खानले चलचित्र अलबिदामा रहेको कथा यति बेला सबैको माग हो किनकी हामी एकअर्काको धर्मलाई आत्मसाथ गरेर पर्दामा देखिएका छौं । हसनले हिन्दु धर्म पान्ने पात्रको भूमिका आफु देखिएको पनि खुलाएका छन् । त्यस्तै चलचित्रका निर्देशक लक्ष्मण रिजालले चलचित्र अलबिदालाई धर्मको नजरले हेर्न नमिल्ने बताउदैं धार्मिक द्धन्दलाई फिल्मले मुख्य कथा बनाएको निर्देशक रिजालको भनाई छ । चलचित्र ‘अलबिदा’मा आर्यन सिग्देल, हसन खान, अनिता आचार्य र नागेन्द्र रिजालको मुख्य भूमिका छ । एचआरके प्रोडक्सन हाउसको व्यानरमा निर्माण भएको यो फिल्मको कथा निर्माता तथा अभिनेता हसन खानले नै लेखेका हुन् । चलचित्रमा अष्ट महर्जनको द्धन्दनिर्देशन, रामेश्वर कार्कीको छायांकन, लक्ष्मण रिजाल र विशाल सापकोटाको पटकथा तथा बिपिन मल्लको सम्पादन रहेको छ ।