काठमाडौंमा केहि महिना अगाडी मात्र भब्य रुपमा ढकाल सुमधुर साँझ सम्पन्न भए लगत्तै असोज २४ गते अर्थात हिजो बेलुका अर्को चितवनमा ढकाल सुमधुर साँझ सम्पन्न भएको छ । चितवनमा पहिलो पटक भएको गायक रामकृष्ण ढकालको एकल गायन कार्यक्रम भब्य रुपमा सम्पन्न भएको आयोजक समितिले बताएको छ । सेढाई होल्डिङसको आयोजना तथा दाताज ईभेन्टसको ब्यवस्थापनमा भरतपुरको होटल गार्डेन रिसोर्टमा “ढकाल सुमधुर साँझ २०७१” सम्पन्न भएको हो ।
कार्यक्रममा गायक रामकृष्ण ढकाललाई लोकप्रिय गायिका रिमा गुरुङ होडा र ढकालकी छोरी रानि ढकालले गायनमा साथ दिइएका थिए । ढकाल सुमधुर साँझमा हास्य कलाकार संदिप क्षेत्रि हाँस्य प्रस्तुत गरेका थिए भने संचारकर्मि नरेश भट्टराईले कार्यक्रमको उदघोषण गरेका थिए । ढकाल सुमधुर साँझ हेर्नका लागी करिब ३०० जना भन्दा बढिको उपस्थिति रहेको थियो । गायक रामकृष्ण ढकालले ‘ओराली लागेको’,’बाचुन्जेलीलाई’,’कति कुरा मुखले’,’जुनी काट्ने हजार भेटिन्छन्’ जस्ता चर्चित गीतहरु गाएर दर्शकहरुलाई मनोरञ्जन दिएका थिए ।