४ वर्षको अन्तरालपछी चलचित्र विकास बोर्डले गर्दै आएको राष्ट्रिय अवार्ड समारोह हिजो सोमबार राष्ट्रपति निवासमा सम्पन्न भएको छ । यसपटकको अवार्ड वितरणमा ६७ देखि ७० साल सम्मका फिल्मबाट फिल्मकर्मी सम्मानित भएका हुन । चार बर्षको अवधिमा प्रदर्शन भएका फिल्महरुबाट करिब ४० फिल्मकर्मीहरुलाई राष्ट्रपति डा.रामवरण यादवले सम्मान गर्नुभएको हो ।
समारोहमा लामो समयदेखि नेपाली चलचित्रमा सक्रिय रहेका निर्देशक, निर्माता, गीतकार तथा साहित्यकार यादव खरेललाई राष्ट्रपति यादवले दीर्घ साधना सम्मानले सम्मानित गरेका छन । यादवलाई तीन लाख ५१ हजार १ सय एघार नगद रुपैयाँ सहित सम्मान गरिएको छ । यस्तै नेपालमा हुने अधिकांश अवार्ड कार्यक्रम प्रति गुनासो र असन्तुष्टी आइराख्ने कुरो कुनै नौलो भने होइन । यो आरोपबाट यसपटकको राष्ट्रिय अवार्ड पनि अछुतो रहन भने सकेन ।
०६७, ०६८, ०६९ र ०७० सालका फिल्महरूलाई आधार मान्दै बिभिन्न बिधामा पुरस्कार बाँडिएतापनि पाउनु पर्ने कलाकारले भन्दा अन्यले पाएको भन्दै धेरै फिल्मकर्मी र सञ्चारकर्मीहरुले अवार्ड नतिजाप्रति असन्तुष्टी व्यक्त गरेका हुुन । यस्तोखाले अवार्डले चलचित्र विकास बोर्ड र स्वयम नेपाल सरकारलाई समेत विवादमा तानेकोे भन्दै फिल्मकर्मी र सञ्चारकर्मीहरुले तुरुन्त छानविन गरिनुपर्ने समेत माग गरीएको छ ।
नेपाल सरकारको तर्फबाट वितरीत अवार्ड समारोह निष्पक्ष रह्यो या रहेन वास्तविक कुरो त उसैलाई थाहा होला तर हामीले भने यो छट्याउने जिम्मा आम नेपाली चलचित्रलाई नजिकबाट नियाल्ने दर्शकलाई नै दिन्छौ ।एकपटक हेर्नुहोस अवार्ड पाएका चलचित्रकर्मी र चलचित्रको नामावली:
-राष्ट्रिय चलचित्र पुरस्कार २०६७
१. सर्वोत्कृष्ट सम्पादन : विपिन मल्ल (बाटो मुनिको फूल )
२. सर्वोत्कृष्ट कला निर्देशन : निर्जल श्रेष्ठ (कसले चोर्यो मेरो मन)
३. सर्वोत्कृष्ट आलेख (पटकथा) : सुरज सुब्बा (नाल्बो) (बाटो मुनिको फूल )
४. सर्वोत्कृष्ट छायाँङ्कन : सञ्जय लामा (बाटो मुनिको फूल )
५. सर्वोत्कृष्ट अभिनेता : आर्यन सिग्देल (कोही मेरो )
६. सर्वोत्कृष्ट अभिनेत्री : रेखा थापा (बाटो मुनिको फूल )
७. सर्वोत्कृष्ट निर्देशन : सुरज सुब्बा (नाल्बो) (बाटो मुनिको फूल )
८. सर्वोत्कृष्ट फिल्म : बाटो मुनिको फूल (रिदम फिल्मस् प्रा.लि.)
-राष्ट्रिय चलचित्र पुरस्कार २०६८
१. सर्वोत्कृष्ट सम्पादन : सुरेन्द्र पौडेल (लुट)
२. सर्वोत्कृष्ट द्वन्द्व निर्देशन : योगेन्द्र श्रेष्ठ (लुट)
३. सर्वोत्कृष्ट आलेख (पटकथा) : कर्ण शाक्य (पल)
४. सर्वोत्कृष्ट छायाँङ्कन : विष्णु कल्पित घिमिरे (अन्दाज)
५. सर्वोत्कृष्ट अभिनेता : सौगात मल्ल (लुट)
६. सर्वोत्कृष्ट अभिनेत्री : नीता ढुङ्गाना (मसान)
७. सर्वोत्कृष्ट निर्देशन : उज्वल घिमिरे (अन्दाज)
८. सर्वोत्कृष्ट फिल्म : मसान (नीर सिनेमा प्रा.लि.)
-राष्ट्रिय चलचित्र पुरस्कार २०६९
१. सर्वोत्कृष्ट सम्पादन : वनिश शाह (नोटबुक)
२. सर्वोत्कृष्ट श्रृङ्गार : नीमा लामा (धन्दा)
३. सर्वोत्कृष्ट आलेख (पटकथा) : देव नेपाल (मेरो कथा)
४. सर्वोत्कृष्ट गायन : रजिना रिमाल (रिदम – पागल म बन्न सक्छु)
५. सर्वोत्कृष्ट छायाँङ्कन : पुरुषोत्तम प्रधान (भिजिलान्ते)
६. सर्वोत्कृष्ट अभिनेता : विल्सन विक्रम राई (रिदम)
७. सर्वोत्कृष्ट अभिनेत्री : झरना थापा (फेसबुक)
८. सर्वोत्कृष्ट निर्देशन : दिनेश डिसी (मायाज् बार)
९. सर्वोत्कृष्ट फिल्म : नोटबुक (प्रज्ञा फिल्मस् प्रा.लि.)
१०. साँस्कृतिक फिल्म पुरस्कार : सुम्निमा (एभरेष्ट कल्चर एण्ड मिडिया एकेडेमी)
-राष्ट्रिय चलचित्र पुरस्कार २०७०
१. सर्वोत्कृष्ट सम्पादन : लोकेश बज्राचार्य (कर्कश )
२. सर्वोत्कृष्ट छायाँङ्कन : गौरिशंकर धुँजु (शिरीषको फूल )
३. सर्वोत्कृष्ट गीत लेखन : कृष्णहरि बराल (नाई नभन्नु ल २ – मर्ने कसैलाई )
४. सर्वोत्कृष्ट सङ्गीतकार : वसन्त सापकोटा (नाई नभन्नु ल २ – यी आँखामा तिमी छौं)
५. सर्वोत्कृष्ट लेखन (पटकथा) : विनोद पौडेल (साँघुरो )
६. सर्वोत्कृष्ट अभिनेत्री : गरिमा पन्त (झोला )
७. सर्वोत्कृष्ट अभिनेता : शुशांक मैनाली (साँघुरो )
८. सर्वोत्कृष्ट निर्देशन : दीपा बस्नेत (अन्तराल )
९. सर्वोत्कृष्ट फिल्म : साँघुरो (समीर मैनाली प्रोडक्शन )
१०. साँस्कृतिक फिल्म पुरस्कार : कुसुम (श्री शेर्पा )
राष्ट्रिय अवार्ड पनि मुछियो विवादमा(नतिजासहित)
