आफ्नै पति रितेश देशमुखलाई भिलेन बनाउने जेनेलियाको यो कस्तो रहर

फिल्म ‘एक भिलेन’मा नकारात्मक भुमिका निभाएका अभिनेता निर्माता रितेश देशमुखले आफुलाई फिल्ममा भिलेन बन्न आफ्नै पत्नि अभिनेत्री जेनेलिया डिसूजाले हौस्याएको बताएका छन । जेनेलियाको एउटै रहर थियो आफ्नो पति कुनै फिल्ममा भिलेन बनुन ।
त्यसैले पनि रितेशले ‘एक भिलेन’मा नकारात्मक भुमिका निभाएर जेनेलियाको सपना पनि पुरा गरीदिएका छन ।निर्देशक मोहित सूरीको ‘एक भिलेन’मा अभिनेता सिद्धार्थ मल्होत्रा र अभिनेत्री श्रद्धा कपूरले पनि फिल्ममा आफ्नो दमदार प्रस्तुती दिएका छन ।
‘एक भिलेन’मा गरेको आफ्नो पहिलो नकारात्मक भुमिकाको बारेमा बोल्दै रितशले भनेका छन एउटा अभिनेता भईरहंदा भिलेन हुनु आफ्नो पनि इच्छा भएको र फिल्ममा आफुले एक बेग्लै  प्रस्तुती दिएको पनि उनले भनेका छन ।