काठमाडौँ । इन्डियन प्रिमियर लिग (आईपीएल) क्रिकेटको चौधौं संस्करण सुरु हुँदै छ । आइपिएलको १४औँ संस्करण आजबाट सुरु हुन लागेको हो । चेन्नईमा हुने उद्घाटन खेलमा साबिक विजेता मुम्बई इण्डियन्स र रोयल चेलेन्जेर्स बेंग्लोरले भिड्दैछन् । खेल नेपाली समयअनुसार बेलुकी पौने ८ बजे शुरु हुनेछ ।
कोरोना संक्रमणको त्रासका कारण नियमति समयमा रोकिएको गत सिजनको आइपिएल सेप्टेम्बर–नोभेम्बर महिनामा भारतमा नभएर दुबईमा गरिएको थियो ।
भारतमा अहिले कोरोनाको दोस्रो लहर तीब्र गतिमा बढिरहेको छ । यद्यपि आईपीएल सुरक्षित रुपमा खेलाउन आवश्यक सबै तयारी गरिएको भारतीय क्रिकेट कन्ट्रोल बोर्ड (बीसीसीआई)ले जनाएको छ ।
