छत्रपति शिवाजीको बायोपिकमा देखिँदै शाहिद कपूर

एजेन्सी । बलिउडका ‘क्युट स्टार’ शाहिद कपुर छत्रपति शिवाजीको बायोपिकमा देखिने भएका छन् । चाँडै नै उनी ‘कबीर सिंह’का निर्माता अश्विन वर्देले निकै महंगो बजेटमा बनाउन लागेको छत्रपति शिवाजीको बायोपिकमा देखिने भएका हुन् ।
बलिउडल लाइफले अनलाइनमा लेखेको छ, ‘अश्विनले दक्षिण भारतीय फिल्मको एक ठूलो प्रोडक्सन हाउस लाइक प्रोडक्सनसँग सहकार्यको लागि हात मिलाएका छन् । यो समूहले छत्रपति शिवाजी महाराजमा आधारित रहेर बनाउने फिल्मका लागि शाहिद कपुरसँग कुराकानी गरेका छन् ।’
उक्त अनलाइनमा फिल्मको कथा मन पराएर शाहिद कपूर फिल्म खेल्न इच्छुक देखिएको समेत उल्लेख गरिएको छ । सञ्जय लीला भन्सालीको ‘पद्मावत’मा पनि शाहिद राजाको गेटअपमा देखिएका थिए ।
उनको पछिल्लो फिल्म ‘कबीर सिंह’ले  बलिउडमा तहल्का मच्चाएको थियो ।