अक्षयलेद्वारा ‘ट्वाइलेट-२’ को घोषणा

काठमाडाैं ।
‘ट्वाइलेट-एक प्रेम कथा’ फिल्मको सफलतापछि अब अक्षय कुमारले यसको दोस्रो सिक्वेलको घोषणा गरेका छन् । वर्ष २०१७ मा प्रदर्शनमा आएको फिल्म ‘ट्वाइलेट-एक प्रेम कथा’ ले बक्सअफिसमा सानदार कलेक्सन गरेको थियो ।
उनले ट्विटरमार्फत फिल्मको घोषणा गर्दै लेखेका छन्, ‘अबको तयारी अर्को ब्लकबस्टर मिसन ‘ट्वाइलेट-२’ का लागि । यसपटक बदलिनेछ पूरा देश । चाँडै आउँदैछु ।’
अक्षय कुमारले एक सर्ट भिडियो पनि रिलिज गरेका छन्, जसमा उनले भनेका छन्, ‘ट्वाइलेट’ त बन्यो तर कथा अझै पनि बाँकी छ । म चाँडै ‘ट्वाइलेट’ को पार्ट २ लिएर आउँदैछु ।’ तर, उनले यस फिल्मको बाँकी स्टारकास्टलाई लिएर कुनै खुलासा गरेका छैनन् ।
अक्षयसँगै ‘ट्वाइलेट-एक प्रेम कथा’ मा भूमि पेडनेकर, दिव्येन्दु शर्मा, सुधीर पान्डे र अनुपम खेर मुख्य भूमिकामा थिए । २२ करोडमा बनेको यो फिल्मले घरेलू बजारबाट १ सय ३४ करोड कमाएको थियो ।