‘जाइरा’ मा नम्रता श्रेष्ठकाे फरक लुक्स

काठमाडाैं । 
लभस्टोरी चलचित्रमा राम्रो छवि बनाएकी  आएकी नम्रता हाल नयाँ चलचित्र ‘जायइरा’काे काममा व्यस्त छिन् । मङ्गलवार जाइराले आयोजना गरेको विशेष कार्यक्रममा नम्रता पूर्ण रूपमा फरक अवतारमा उपस्थित भइन् । स्पोर्टी लुक्समा देखिएकी नम्रताले कपाल काटेकी थिइन् भने शारीरिक संरचना पनि कुनै खेलाडीकाे भन्दा कम थिएन ।
उक्त कार्यक्रममा चलचित्र युनिटले सम्पूर्ण कलाकारको लुक्स सार्वजनिक गरेको थियो । नम्रताले आफ्नो लोभलाग्दो कपाल काट्नु पर्दा निकै दुख लागेको कार्यक्रममा बताउँदै उनले भनिन्  ‘कैची कानसम्म पुग्दा निकै दुख लागेको थियो ।’   चलचित्रकै लागी विगत केही महिना देखि नम्रता सिक्स प्याक निकाल्ने तयारी गरिरहेकी छिन् । उनी अाफ्नाे  ५१ केजी तौल घटाएर ४३ केजीमा पुगेकी छिन् ।
कार्यक्रममा नम्रतासँगै अर्की नायिका सिर्जना रेग्मी बोल्ड अवतारमा प्रस्तुत भइन् । रेग्मी यसै चलचित्रबाट डेव्यु गर्दै छिन् । चलचित्रमा यी दुई बाहेक अनुप विक्रम शाही, रेमनदास श्रेष्ठ, प्रमोद अग्रहरी, सुजिता श्रेष्ठको अभिनय रहेको छ । चलचित्रलाई आशुतोष श्रेष्ठले निर्देशन गरेका हुन् ।
एक्सन जनरामा बनेको चलचित्र जाइरा नारीप्रधान रहेको निर्माणपक्षले बताएको छ । निर्माण पक्षले बताए अनुसार चलचित्र मङ्सिर १४ गतेबाट प्रदर्शनमा आउने छ । चलचित्रमा कथा निर्देशक स्वयंकाे रहेको छ भने प्रसन्न गोपाली  कार्यकारी निर्माता रहेका छन् । चलचित्रमा लोकेश बज्राचार्यको सम्पादन, कल्याण सिंह, डिजे राजु र टम्ब्लीविडको सङ्गीत र सम्राट् बस्नेतको द्वन्द्व निर्देशन रहेको छ ।