‘जय शम्भु’ मा अनुप, वर्षा र प्रशान्तकाे यस्ताे लुक्स

काठमाडाैं । 
अनुप विक्रम शाही र प्रशान्त ताम्राकारको लिड रोल रहेको फिल्म ‘जय शम्भु’ को दुई पोष्टर सार्वजनिक भएको छ । भाद्र १ गतेलाई औपचारिक प्रदर्शन मिति घोषणा गर्दै निर्माण टिमले प्रशान्त, अनुप र अभिनेत्री वर्षा सिवाकोटी फिचर पोष्टर सार्वजनिक गरेको हो ।
एक युवतीका लागि दुई पुरुष पात्रबीचको टकरावको कथा बोल्ने पाेष्टर निर्माण पक्षले सार्वजनिक गरेकाे हाे । काठमाडौं र अन्नपूर्ण बेशक्याम्पमा खिचिएको यो फिल्म एक्सन लभस्टोरी जानरामा निर्माण भएको प्रस्तुतकर्ता दिनेश शाहीले जानकारी दिएका छन्  ।
रोशन महर्जन, करुणा पाण्डे, अनुपम श्रेष्ठ, बसन्त भट्ट, कालु राना लगायतका कलाकारहरुको अभिनय रहेकाे यस फिल्मलार्इ रुपेश तामाङले निर्देशन दिएका छन् ।
उक्त फिल्ममा हरि घले लामाको छायांकन, श्री श्रेष्ठको एक्सन, टंक बुढाथोकीको संगीत, वनिश शाहको सम्पादन, रामजी लामिछानेको नृत्य रहेको छ । राजकुमार नगरकोटी र चक्र पाख्रिन कार्यकारी निर्माता रहेको ‘जय शम्भु’ को निर्माता अरविन्द्र शाक्य हुन भने याे फिल्म जुना फिल्मकाे ब्यानरमा निर्माण भएकाे छ ।