फिल्महलमा “हैरान”

काठमाडाैं । 
विश्वकै कान्छा  निर्देशक साैगात विष्ट निर्देशित फिल्म हैरान अाजबाट प्रदर्शनमा अाएकाे छ। याे फिल्मले  सोलो रिलिजको अवसर पाएको छ।
‘शत्रु गते’ पछि नेपाली फिल्मले गतिलो व्यापार गर्न नसकिरहेको अवस्थामा अहिले सबैको ध्यान ‘हैरान’ माथी छ । अब यसले सोलो रिलिजको फाइदा कस्तो उठाउला हेर्न बाँकी छ ।
‘हैरान’ सँग भिड्न तयार भएको विपिन कार्की स्टारर फिल्म ‘हरी’ को रिलिज पोस्टपोन्ड भएपछि यो फिल्मले एकल प्रदर्शनको अवसर पाएको हो । शुक्रवारबाट देशभरका ८० बढी हलमा प्रदर्शनमा आएको यसका निर्देशक सौगात विष्ट हुन् । उनले विश्वकै कान्छा निर्देशकको रुपमा आफ्नो नाम गिनिज बुकममा  रेकर्डमा दर्ता गराएका छन् ।
उनले यसअघि ‘लभ यू बाबा’ निर्देशन गरेका थिए । यो फिल्मले बक्सअफिसमा सुखद कलेक्सन गर्न नसकेपनि दर्शकबाट भने राम्रो ‘फिडब्याक’ पाएको थियो । अब ‘हैरान’ ले बक्सअफिसमा ऐश्वर्य र वाहवाही कस्तो कमाउला यसतर्फ सबैको चासो केन्द्रित छ । निर्देशक विष्ट आफू निर्देशित फिल्म ‘लभ यू बाबा’ युट्युबमा हेरेर राम्रो लागेमात्र ‘हैरान’ हेर्न हलमा जान आग्रह गर्छन् ।