चलचित्र ‘कथा काठमाण्डु’को टिमले फिल्मको सम्पूर्ण छायांकन सकेर फाइनल प्याक अप गरेको छ l संगीता श्रेष्ठको डेब्यू निर्देशन रहेको चलचित्र ‘कथा काठमाण्डु’ को मंगलबारबाट फिल्मको सम्पूर्ण छायांकन २३ दिनमा सकिएको शुटिंग युनिटले जनाएको छ। आहाना फिल्मस्को ब्यानरमा निर्माण भएको चलचित्र ‘कथा काठमाण्डु’लाइ विजय राइले निर्माण गरेका छन्।निर्देशक श्रेष्ठका अनुसार फिल्मको छायांकन ३ चरणमा सकिएको हो ।’फिल्मको छायांकन सकिएसँगै निर्माणपक्षले केही तश्वीरहरु सार्वजनिक गरेको छ । तश्वीरमा संजोग र सन्ध्या कलेजको पहिरनमा देखिएका छन् । यस्तै, तश्वीर हेर्दा लाग्छ नायिका प्रियंका कार्की र कलाकार प्रमोद अग्रहरीको कनेक्शन खुबै रहेको छ ।
एउटा फिल्म भित्र एउटा कथा हुनु त स्वाभाविकै हो तर अचम्म लाग्न सक्छ एउटा फिल्म भित्र ३ वटा कथा समाबेस गर्नु त्यस्तै ३ वटा कथा समेटेर फिल्म निर्माण गरिएको छ चलचित्र “कथा काठमान्डू “l फिल्म भित्र ३ वटा कथा रहेको तर तिनै वटा कथाका पात्रको कनेक्शन एक अर्कासँग भएको भन्दै निर्देशकले नेपाली फिल्ममा पहिलो पटक यस्तो कथामा सिनेमा बनाएको दाबी गरिन ।’ उनका अनुसार, प्रियंकाको कथाको कनेक्शन सन्ध्यासँग र सन्ध्याको कथाको कनेक्शन आयुष्मानसँग रहेको छ । रिलिज डेट फाइनल नगरिएको यो फिल्ममा प्रियंका कार्की, आयुष्मान देसराज जोशी, अस्मिता खनाल ,संजोग कोइराला, सन्ध्या केसी, प्रेक्षा अधिकारी, प्रमोद अग्रहरीको मुख्य भूमिका छ ।
