मनोरंजनसंसार डटकम
यो बर्ष नै प्रदर्शनमा आउने भनिएको चलचित्र “लाल्टिन” ले आफ्नो प्रदर्शन मिति अर्को बर्षको लागि सारेको छ । चलचित्र अब आउदो बर्षको जेठ २६ गते प्रदर्शन हुनेछ । चलचित्रको प्राविधिक कारणले गर्दा चलचित्रको प्रदर्शन मितिमा फेरबदल भएको कुरा प्रस्तोता भानु प्रतापले बताएका छन् । आफ्नो नया प्रदर्शन मिति तय गर्दै चलचित्रले आफ्नो टिजर समेत सार्वजनिक गरेको छ । सार्वजनिक टिजर अनुसार चलचित्र सस्पेन्स थ्रिलरको घेरामा तयार भएको देखिन्छ ।
एम सन पिक्चर्स भानु प्रतापको प्रस्तुति रहेको चलचित्रमा दयाहाङ राई , प्रियंका कार्की , केकी अधिकारी , अर्जुन जंग शाही , ए गुरुङ , शिशिर भण्डारी , मेलिना मानन्धर , राम केशरी बोगटी , जनक बर्तौला , भानु प्रताप , मोहन बि श्रेष्ठ , कमल आले , नविन शाह , सुनिल कटवाल , रिया श्रेष्ठ , लिला माया ,राज कटुवाल , निर्जन थापा लगाएतका कलाकारहरुको मुख्य अभिनय रहेको छ । चलचित्रमा हरि घले लामाको छायांकन , रोशन श्रेष्ठको द्वन्द र कविराज गहतराजको नृत्य निर्देशन रहेको छ । चलचित्रलाई देव कुमार श्रेष्ठले निर्देशन गरेका छन् । यस्तै चलचित्रका निर्माता तर्फ भने अनिम श्रेष्ठ र राज केसी रहेका छन् ।
हेर्नुस टिजर :
